रजिष्टारको गाडी कव्जामा

सुर्खेत, १२ असार ।

मध्यपश्चिमाञ्चल विश्वविद्यालयका रजिष्टार डा. ठगेन्द्र गिरी चढने गाडी विद्यार्थीहरुले कब्जा गरेका छन् । विद्यार्थीहरुले विश्वविद्यालयमा राखेका माग वेवास्ता गरेको भन्दै विद्यार्थीहरुले गाडी कव्जा गरेका हुन ।

वा ९ च ५५६६ नम्बरको गाडी रजिष्टार चढने गाडी बुधबार ४ बजे केन्द्रीय कार्यालयबाट कव्जामा लिएका छन् । गाडी कव्जामा लिएर विद्यार्थीहरुले जिल्ला प्रहरी कार्यालय सुर्खेतको जिम्मा लगाएको संयुक्त विद्यार्थी संघर्ष समितिका संयोजक कमल सिजापतीले जानकारी दिए ।

रारा बैंक एपेक्स विकास बैंक हुँदै

सुर्खेत, १२ असार ।

सुर्खेतको रारा विकास बैंक अन्य दुई वटा फाईनान्स कम्पनीसंग मर्ज भएर एपेक्स विकास बैंक हुने भएको छ । रारा विकास बैंकले विज्ञप्ति जारी गर्दै फाईनान्स कम्पनीसंगको मर्ज प्रक्रिया अन्तिम चरणमा पुगेको जनाएको छ । तीन वटै संस्थाहरुले हालै कार्यसमिति बैठक सम्पन्न गरी मर्जको निर्णय गरेका छन् ।

रारा विकास बैंक, रोयल मर्चेन्ट बैंक एण्ड फाईनान्स र अपी फाईनान्सका विचमा मर्ज भएर एपेक्स विकास बैंक नामाकरण गर्न तीन वटै संस्थाले कार्यसमितिबाट निर्णय गराएका छन् । पछिल्लो समय बैंकिङ क्षेत्रमा देखिएको कडा प्रतिस्पर्धा, कारोबारमा सिमितता, नेपाल राष्ट्र बैंकले एक आपसमा गाभिन दिएको सुविधाका कारण तीन वटा संस्था मर्ज हुन लागेको जनाईएको छ ।

तीन वटै वित्तिय संस्था गाभिए पछि बैंकको चुक्ता पुँजी ६६ करोड ६५ लाख ६३ हजार हुनेछ र यसले चाँडै नेपाल राष्ट्र बैंकबा स्वीकृत लिएर राष्ट्रिय स्तरको विकास बैंकको रुपमा आफ्नो सेवा प्रवाह गर्ने जनाईएको छ ।

लागूऔषध विरुद्धको अन्तर्राष्ट्रिय दिवस मनाइयो

सुर्खेत, १२ असार ।

लागूऔषध विरुद्धको अन्तर्राष्ट्रिय दिवस भैरव युवा शक्तिकरण केन्द्रले सप्ताहब्यापी रुपमा मनाएको छ । अन्तर्राष्ट्रिय दिवसको अवसर पारेर केन्द्रले बुधबार वीरेन्द्रनगरमा ¥याली निकालेको छ । मंगलगढीचोकबाट निकालिएको ¥याली घण्टाघरमा पुगेर सभामा परिणत भएको थियो । 

कार्यक्रममा लोकतान्त्रि गैरसरकारी संस्था महासंघका केन्द्रीय सचिव चन्द्रप्रसाद थानीले युवाहरुलाई दुव्र्यशनमुक्त बनाउन घर, परिवार र समाजको सकारात्मक सहयोग हुनुपर्ने बताए । उनले पछिल्लो समय राष्ट्रका कर्णधार युवाहरु दुव्र्यशनमा फस्दै गएको भन्दै यसलाई रोक्न सबै लाग्नुपर्ने बताए । 

कार्यक्रममा नागरिक सचेतना केन्द्रका सचिव डण्डप्रसाद ढकालले युवाहरुलाई दुव्र्यशनमुक्त बनाउनका लागि सबै क्षेत्रबाट सकारात्मक सहयोगको आवश्यकता रहेको औल्याए । कुनै एक संस्था वा ब्यक्तिले मात्रै समाजलाई दुव्र्यशन मुक्त गर्न नसक्ने भएकाले सबैको हातेमालोको खाँचो रहेको उनको भनाई छ । 

केन्द्रका अध्यक्ष ललित भट्टराईको अध्यक्षतामा भएको कार्यक्रममा नेपाल अर्वुदरोग निवारण संस्थाका सचिव रमेशकुमार केसी, नेपाली कांग्रेसका नगर सचिव उपेन्द्र खड्का, लोकतान्त्रिक गैरसरकारी संस्था महासंघ सुर्खेतकी सचिव शान्ति सिंह, अशल शासन सुर्खेतका अध्यक्ष हरि अधिकारी लगायतले बोलेका थिए ।

यस्तै सप्ताहब्यापी कार्यक्रमका क्रममा मंगलबार झुप्रा बृहत खानेपानी संस्था र भैरव युवा सशक्तिकरण केन्द्रबीच मैत्रीपूर्ण फूटवल प्रतियोगिता सम्पन्न भएको छ । ‘लागू औषधरहित स्वस्थ युवाका लागि कला, संगीत र खेलकुद’ भन्ने नाराका साथ खेलिएको मैत्रीपूर्ण फूटवलमा भैरव युवा सशक्तिकरण केन्द्र विजयी भएको थियो । 

यस्तै केन्द्रले विद्यालय सचेतना कार्यक्रम, समुदाय सचेतना कार्यक्रम, अभिमुखिकरण, अन्तरक्रिया, किशोर–किशोरीहरुसँग मैत्रीपूर्ण छलफल, लागू औषध दुव्र्यशन विरुद्ध प्रचार–प्रसारलगायतका कार्यक्रम गरेर लागूऔषध विरुद्धको अन्तर्राष्ट्रिय दिवस मनाएको छ । 

बाँचेर फर्केका नेपालीको पीडा

“सयौं मरेका थिए, हामी लासमा टेक्दै आयौं”

रासस

सुर्खेत, १२ असार । 

रातको करिब ९ बजेको थियो । चार पाँच जना युवा वीरेन्द्रनगर—६ मङगलगढी नजिकै रहेको तृप्ति मेडिकल हलको अगाडि सडकपेटीमा भेटिएका थिए । हतास मानसिकता जस्तो देखिने उनीहरु केही पीडित भएजस्तो लाग्थ्यो । उनीहरुको अनुहारमा निरासाका धर्साहरु प्रष्टै देख्न सकिन्थ्यो । 

भारतको बद्रीनाथ, केदारनाथको बाढीबाट बचेर आएका उनीहरुले बल्लबल्ल बाँचेर यहाँ आएको बताए । अहिले पनि आतङकित जस्तो देखिने ती युवा भारतको केदारनाथमा आएको बाढीबाट बचेर आएका कालीकोटका सुरेन्द्र शाही, मानबहादुर शाही, गोगनबहादुर शाही, दोर्जे रोकाय, नन्दाराम शाही, वीरबहादुर शाही र रामबहादुर बिष्ट रहेका छन् ।

उनीहरु सबै सुर्खेत आएपछि मात्रै भेट भएका हुन् । केदारनाथमा आएको बाढीबाट बचेर उनीहरु सात दिनपछि आ—आफ्नै ढङगले सुर्खेत आइपुगेका हुन् । शरीरमा रहेका एक जोर कपडाबाहेक केही पनि नभएका उनीहरुले आफूहरुलाई बाँच्छौं भन्ने विश्वास नलागेको बताए । 

आफ्नै आँखा अगाडि सयौं मान्छे मरिरहेको देखेका उनीहरुले आफूसँगै गएका साथीभाइ र आफ्नै गाउँलेलाई पनि उतै गुमाएर आएका हुन् । ‘हामीलाई बाँच्ने आशा थिएन’ कालीकोट मान्मा—८ ताडीका सुरेन्द्र शाहीले भने ‘सयौ“ मान्छेहरु उर्लिएको भेलमा बगिरहेका थिए । बगरिहेका तिनै लासहरु नाघ्दै आयौं ।’

उनले थपे ‘मृत नेपालीका हातमा भएका औंठीसमेत चोरहरुले लगे ।’ शाहीले आफूहरु जस्तै सयौं नेपालीले उद्धारको लागि अनुरोध गर्दा भारतीय प्रहरीले नेपालीलाई पछाडि फाल्दै भारतीयलाई मात्रै हेलिकोप्टरमा हालेको दुःखेसो पोखे । अर्का पीडित गोगन शाहीले आफूहरुसँगै रहेका ४० र ५० जना नेपालीको लासमाथि टेक्दै आएको भन्दै धेरै नेपालीले उद्धार नपाउँदा ज्यान गुमाउनु परेको बताए । 

गुणस्तरहिन इट्टा हटाउन प्रजिअको निर्देशन 

सुर्खेत, ९ असार .

सुर्खेतका प्रमुख जिल्लाा अधिकारी पुरुषोत्तम कुवरले कटकुवा स्वास्थ्य चौकी परिसरमा राखिएको गुणस्तरहिन ईट्टा दुई दिनभित्र हटाउन निर्देशन दिएका छन् । भुकम्प मापन केन्द्रबाट हटाउन निर्देशन दिइएको गुणस्तरहिन इट्टा पुनःस्वास्थ्य चौकीको भवनमा प्रयोग गर्न थालिएको समाचार सञ्चार माध्यममाबाट सार्बजनीक भएपछि प्रमुख जिल्ला अधिकारी कुवर र शहरी विकास तथा भवन निर्माण डिभिजन कार्यालयका प्रमुख तपेन्द्रबहादुर खड्काले आईतबार निर्मार्णाधिन भवनको निरिक्षण गरेका थिए । भवनको निरीक्षण गर्दै कुवरले गुणस्तरहिन इट्टा दुई दिनभित्र हटाउन निर्देशन दिएका हुन् । प्रयोग भइसकेको इट्टाका बारेमा भने उनले कुनै निर्देशन र प्रतिक्रिया दिएका छैनन् । 

मध्यपश्चिममा १० जातका नयाँँ धानको बीउ सिफारिस

एक लाख बढी हेक्टरमा धान खेती गरिदँै

सुर्खेत, ९ असार

सबैभन्दा धेरै धान उत्पादन हुने मध्यपश्चिमका ४ जिल्लामा यसवर्ष १० जातका नयाँ धानको बिउ सिफारिस गरिएको छ । सुचिकृत धानको बिउ मध्ये १० ओटा जात मध्यपश्चिमका सुर्खेत, बाँके, बर्दिया, र दाङमा सिफारिस गरिएको हो । 

मध्यपश्चिमका जिल्लाहरु मध्ये सबैभन्दा बढी धान उत्पादन हुने ४ जिल्लामा नयाँ धानको बिउ सिफारिस गरिएको सम्बद्ध जिल्ला कृषि विकास कार्यालयले जनाएका छन् । उक्त चार जिल्लाहरुमा एकलाख हेक्टर भन्दा बढी क्षेत्रफलमा धान खेती गरिदैँछ । सिफारिस गरिएका १० जातका धानको बिउँ सुर्खेत जिल्लामा लगाइदैछ भने, अन्य जिल्लामा केही मात्रामा लगाइदैछ । यी चार जिल्लामा तीन खालको जमिन भएकाले छुट्टाछुट्टै खालको धानको बिउ सिफारिस गरिएको छ । पानी कम हुने क्षेत्रमा सुख्खा १, २ र ३, बढी पानी जम्ने क्षेत्रमा स्वर्ण सबवन १, सादा सबवन १ रहेका छन् भने मध्यम क्षेत्रमा तरहरा १, अनमोल मन्सुली, वर्षे २०१४, पृथ्वी ६ र डिवाई ६९ रहेका छन् ।