सुर्खेतका तीन वटै क्षेत्रमा जित्ने एमालेको तयारी

दीपक बुढा÷सुर्खेत

नेकपा एमाले जिल्ला कमिटी सुर्खेत दोस्रो संविधानसभा निर्वाचनमा केन्द्रीत भएको छ । दोस्रो संविधान सभा निर्वाचनमा सुर्खेतबाट तीन वटै निर्वाचनमा विजय हाँसिल गर्ने उद्देश्यले पार्टी निर्वाचन केन्द्रीत भएको हो । पहिलो संविधान सभा निर्वाचनमा दुई वटा क्षेत्र एमालेले र एउटा निर्वाचन क्षेत्रमा एमाओवादीले जित हाँसिल गरेको थियो ।
नेकपा एमाले जिल्ला कमिटी सुर्खेतको वीरेन्द्रनगरमा बसेको बैठकले निर्वाचन परिचालनका लागि कार्ययोजना निर्माण गरेको छ । अध्यक्ष नवराज रावतको अध्यक्षतामा पार्टी कार्यालय ऋषि स्मृति भवनमा सम्पन्न भएको बैठकले उक्त कार्ययोजना निर्माण गरेको हो ।

बैठकले लोकतान्त्रिक र अग्रगामी संविधानको सुनिश्चितता शान्ति सम्बृद्धि र सामाजिक रुपान्तरका लागि संविधानसभा निर्वाचनमा नेकपा एमालेलाई पहिलो शक्तिको रुपमा स्थापित गर्ने पार्टीको केन्द्रीय कार्यभार पुरा गर्न सुर्खेतका तीन वटै निर्वाचन क्षेत्रमा सुर्यध्वाजावाहक उम्मेदवारहरुलाई विजयी गराउन पार्टी अध्यक्ष नवराज रावतको संयोजकत्वमा ३ हजार एक सदस्यीय जिल्ला निर्वाचन परिचालन कमिटी गरेको छ ।

सुर्खेतका तीन वटै क्षेत्रबाट एमालेको जित निश्चित 

छट्टुप्रसाद विसी

लाटीकोइली–९, सुर्खेत

म नेकपा एमालेको संगठित सदस्य हुँ । मैले एमालेको सदस्यता प्राप्त गरेको दुई बर्ष भयो । जव मैले एमालेको सदस्यता लिएँ अनि मैले पार्टीका हरेक गतिविधिलाई नजिकबाट बुझने मौका पाएको छु । जनताको बहुदलिय जनवादको नारा लिएर अगाडी बढेको एमाले साँच्चिकै गाउँ गाउँ तहमा विशाल छ । गाउँ गाउँमा एमालेको संगठन बलियो छ । एमालेको नेतृत्व छ तर केन्द्र तह हुँदै जिल्ला तह सम्म त्यसको सही व्यवस्थापन हुन सकेको छैन् । अहिले पनि हेर्नुहोस स्थानीय निकाय नभएको अवस्थामा स्थानीय तहका नेतृत्वदायी संरचनाहरुमा एमालेको बर्चश्व छ । 

सामुदायिक वन, सहकारी, विद्यालय व्यवस्थापन समितिमा एमाले पक्षिय नेताहरुले अहिले धेरै ठाउँमा नेतृत्व गरेका छन् । उनीहरुले जनपक्षिय नीति बनाएका छन् । कार्यक्रम बनाएका छन् । लामो समयदेखि नेतृत्वदायी भूमिका निर्वाह गरिरहेकै छन् ।

केन्द्रदेखि जिल्ला तह हुँदै गाउँ गाउँ तहमा विशाल नेटवर्क बनाएका एमाले किन चुनावमा पछि पर्छ त ? आफुलाई एमाले भन्न रुचाउने केही खराब तत्वहरुको विकृत मानसिकताकै कारण एमाले जहिले पनि पछि पर्दै आएको छ । निर्वाचनको मुखमा एकताबद्ध भएर निर्वाचनमा परिचालन हुने बेला एमाले भित्रकै अराजकतत्वहरु आफ्नै पार्टीको विरुद्धमा लाग्छन् । अराजक व्यक्तिहरुले कहिल्यै बुझदैनन कि पार्टी प्रमुख कुरा हो व्यक्ति गौण कुरा हो । पार्टी निर्माण गर्ने कुरामा नलागेर व्यक्तिका पछि लागि सिंगो पार्टीलाईनै ध्वस्त बनाउन खोजिन्छ ।

सुर्खेतमा पुरानै उम्मेदवार प्राथमिकतामा  

दीपक बुढा

सुर्खेत, १४ असोज । 

सुर्खेतमा रहेका प्रायः राजनीतिक दलहरुले आसन्न संविधानसभा निर्वाचनका लागि पुरानै उम्मेदवारलाई प्राथमिकता दिएका छन् । भदौ अन्तिमसम्म क्षेत्रीय र जिल्ला संगठनबाट संभावित उम्मेदवारको नाम सिफारीस गरेका नेकपा एमाले, एकीकृत नेकपा माओवादी, राष्ट्रिय प्रजातन्त्र पार्टी नेपाल र नेपाली कांग्रेस उम्मेदवार छनौटको अन्तिम चरणमा पुग्दा गत संविधानसभा निर्वाचनका उम्मेदवारलाई नै प्राथमिकता दिएका हुन् । 

अधिकांस दलहरुमा गत निर्वाचनमा उठाइएका उम्मेदवारलाई नै यसपटक पनि प्रत्यक्ष वा समानुपातिक कोटामा उठाउने भएका छन् । मंसिर ४ मा हुन लागेको निर्वाचनका लागि नेकपा एमालेको तर्फबाट सुर्खेतका तीन वटै निर्वाचन क्षेत्रमा पुरानै उम्मेदवार हुने भएका छन् ।  एमाले स्थायी समितिको सोमबार बसेको बैठले पुरानै उम्मेदवारलाई टिकट दिने निर्णय गरेको सुर्खेत जिल्ला अध्यक्ष नवराज रावतले जानकारी दिए । 

अघिल्लो निर्वाचनमा विजयी भएकाहरुलाई नै यस पटकको निर्वाचनमा उम्मेदवार उठाउने एमाले पार्टीको निर्णय अनुसार क्षेत्र नं. १ बाट निर्वतमान संविधानसभा सदस्य कमला शर्मा र क्षेत्र.नं. २ बाट यामलाल कंडेललाई उम्मेदवार उठाएको छ । 

क्षेत्रीय र जिल्ला कमिटिले पहिलो नंम्बरमा राखेर सिफारीस गरेकालाई प्राथमिकता दिने निर्णय अनुसार  अघिल्लो निर्वाचनमा समेत उम्मेदवार बनेका पार्टी अध्यक्ष नवराज रावतलाई क्षेत्र नं.३ बाट उठाउने स्थायी समितिले निर्णय गरेको हो । 

एकिकृत नेकपा माओवादीले क्षेत्र नं. १ बाट ठम्मर बिष्ट, २ बाट जिल्ला सेक्रेटरी भिमबहादुर मल्ल “सुभास” नयाँ अनुहार हुने भने क्षेत्र नं. तीनबाट नरबहादुर बिष्टलाई उम्मेदवार बनाउने आईतबार नै घोषणा गरिसकेको छ । विष्ट निवर्तमान सभासद हुन । 

एमाओवादी स्रोतका अनुसार गत संविधानसभा निर्वाचनमा क्षेत्र नं. २ बाट प्रत्यक्ष उम्मेदवार उठेकी सीता नेपालीलाई समानुपातीकबाट उठाउने पक्का भएको बुझिएको छ । समानुपातिकबाट संविधानसभा सदस्य बनेका मंगल बिक भने मोहन बैद्य नेतृत्वको नेकपा–माओवादीमा छन् । नेपाली कांग्रेसले पनि गत संविधानसभा निर्वाचनमा उम्मेदवार उठेकालाई नै यस पटक पनि उम्मेदवार बनाउने बुझिएको छ । 

कांग्रेस निकट एक पत्रकारका अनुसार सुर्खेत क्षेत्र नं. १ मा गत निर्वाचनमा उम्मेदवार उठेका लालबहादुर घले र २ बाट हृदयराम थानीलाई उम्ेदवार बनाउने लगभग निश्चित जस्तै भएको छ ।  उनका अनुसार क्षेत्र नं. ३ मा भने पार्टी अध्यक्ष तप्तबहादुर बिष्ट र यज्ञ विसी मध्ये कसलाई उम्मेदवार उठाउने भन्ने विषयमा कुरा नमिल्दा घोषणा हुन सकेको छैन् । 

समानुपातिकबाट संविधानसभा सदस्य बेनेका पूर्णबहादुर खड्का र क्षेत्र नं. तीनमा प्रत्यक्ष तर्फका उम्मेदवार शिराज जोशी भने यस पटक समानुपातिकमा उठ्ने जनाइएको छ । राष्ट्रिय प्रजातन्त्र पार्टी नेपालले पनि सुर्खेतमा प्रत्यक्ष तर्फका उम्मेदवारको अन्तिम टुङ्गो लगाएको छ । राप्रपा नेपालले क्षेत्र नं. १ बाट ओमबहादुर जिसी, २ बाट मुकुन्दश्याम गिरी र ३ बाट बसन्त श्रेष्ठलाई उम्मेदवार उठाउने बताइएको छ । 

एमालेले छान्यो ३३ जिल्लाका उमेद्वार नावालीसहित

काठमाडौं, 

असोज १४ 

नेकपा (एमाले) ले आगामी मंसिर ४ गते हुने संविधानसभा निर्वाचनका केही उम्मेदवारको नामावली सार्वजनिक गरेको छ । दुर्गम, हिमाली र पहाडी र सुदूरपश्चिममा पर्ने ३३ जिल्लाका उम्मेदवार तय गरी
बैठकले आइतबार निर्णय सार्वजनिक भएको हो । छानिएका निर्वाचन क्षेत्रका उम्मेदवारको नामावली यसप्रकार छ ।
१.कालिकोट– कुमारराज शाही
२. मुगु– मोहन बानियाँ
३. जुम्ला– पदबहादुर रोकाया
४. हुम्ला– दलबहादुर रावल
५. डोल्पा– धनबहादुर बूढा
६. बाजुरा– कर्ण थापा
७. अछाम, १-भीमबहादुर रावल,
८. अछाम,  २- भरत साउद
९. बझाङ,१- मानबहादुर रावल
१०. बझाङ, २-लालबहादुर रावल
११. डोटी, १- नारद मलासी,
१२ डोटी, २-प्रेमबहादुर आले
१३ दार्चुला– गणेशसिंह ठगुन्ना
१४.डडेल्धुरा– डा.तारा जोशी
१५ बैतडी, १- दामोदर भण्डारी
१६. बैतडी,२- महादेव भट्ट
१७. बर्दिया, १- वामदेव गौतम,
१८. बर्दिया, २- पूर्ण शर्मा
१९. बर्दिया, ३- विष्णु चौधरी
२०. बर्दिया, ४- लोटनकुमार चौधरी
२१. जाजरकोट, १- डम्बरबहादुर सिंह
२२. जाजरकोट, २- कृष्णबहादुर थापा
२३. दैलेख, १-अमरबहादुर थापा
२४. दैलेख, २-लक्ष्मीप्रसाद पोखरेल
२५. कञ्चनपुर, १-लालबहादुर विश्वकर्मा
२६. कञ्चनपुर, २- कृपाराम राना थारु
२७. कञ्चनपुर, ३-नरबहादुर धामी
२८. कञ्चनपुर, ४- उर्वादत्त पन्त
२९. म्याग्दी- नवराज शर्मा
३०. रोल्पा, १- हिमबहादुर रोका मगर
३१. रोल्पा, २- कुमार दशौंदी
३२. दाङ, १- रेवतीरमण शर्मा
३३. दाङ, २-शान्ता चौधरी
३४. दाङ, ३-लक्ष्मण आचार्य
३५. दाङ, ४- शंकर पोखरेल
३६. दाङ, ५- उत्तरकुमार वली
३७. बाँके, १- देवराज भार
३८. बाँके, २- दिनेशचन्द्र यादव
३९. बाँके, ३- पदम धिताल
४०. बाँके, ४- दलबहादुर सुनार
४१. रसुवा- जनार्दन ढकाल
४२. मनाङ– छिरिङ लोप्साङ
४३. मुस्ताङ– चन्द्रमोहन गौचन
४४. रुकुम, १- खेममान खड्का
४५. रुकुम, २- खगेन्द्रप्रसाद पुरी
४६. प्युठान, १- वामदेव गौतम
४७. प्युठान, २- हीराबहादुर केसी
४८. सल्यान, १- गुलावजंग शाह
४९. सल्यान, २- प्रकाश ज्वाला
५०. खोटाङ, १- पाँचकर्ण (पिके) राई
५१. खोटाङ, २- विशाल भट्टराई
५२. ताप्लेजुङ, १- भुपेन्द्र थेवे
५३. ताप्लेजुङ, २- डम्बरध्वज तुम्बाहाम्फे
५४. पाँचथर, १- गणेश काङमाङ
५५. पाँचथर, २- डम्बरसिंह सम्बाहाम्फे
५६. संखुवासभा, १- हेमराज घिमिरे
५७. संखुवासभा, २- राजेन्द्र गौतम
५८. तेह्रथुम– भवानी खापुङ
५९. भोजपुर, १- कृपासुर शेर्पा
६०. भोजपुर, २-शेरधन राई
६१. सोलुखुम्बु– आङनिमा शेर्पा

अछाममा चुनाव पुर्व नै जितको शुनिश्चितता

चन्द्रा बुढा, अछाम असोज १४,
अछाम जिल्लामा पूर्व गृहमन्त्री तथा नेकपा एमालेका प्रभावशाली नेता नेकपा एमाले केन्द्रिय सदस्य भिमरावललाई जिल्लाकै शक्तिशाली उम्मेद्धारकोरुपमा निर्वाचन पूर्व नै बिजेता उम्मेद्धारको रुपमा आँकलन गर्न थालिएको छ । रावल यस अघिका सफल गृह मन्त्री, एमाले प्रभावशाली नेता, बुद्धिजीवी अडिग र शक्तिशाली नेताका रुपमा अछाम तथा सुदुरपश्चिममा कहलियका नेता हुन् भने राष्ट्रकै बरिष्ट नेता मध्यका एक हुन् । रावल क्षेत्र नं. १ बाट एमालेका प्रत्यक्ष तर्फका उम्मेद्धार बन्ने पक्का पक्कि भैसकेको एमाले श्रोतले जनाएको छ ।
त्यस्तै एमाले क्षेत्र नं. २ बाट उम्मेद्धार बन्ने सुनिश्चितता प्राप्त भरत साउँद समेत नेकपा एमाले अछामका प्रभावशाली नेता तथा अछमाका बुद्धिजीवी नेताकारुपमा परीचित छन् । यी थुप्रै अधारहरु प्रस्तुत गर्दै अछाममा नेकपा एमालेका भिमरावल र भरत साउँद जित्ने पक्क पक्कि भैसकेको टोल टोलमा चर्चा हुन थालेको छ । यि दुवै नेताका लागी अरुदलबाट उम्मेद्धारी प्राप्त नेताहरु कमजोर भएकाले समेत उहाँहरु  जित्ने शुनिश्चितता भैसकेको अछाम बासी बताउन्छन् । त्यस्तै क्षेत्र नं. २ मा नेकपा एमालबाट भरत साउँदले उम्मेद्धारी पाएकाले यस पटक उहाँले पनि जित्नुहुनछ । उहाँ नेकपा एमाले अछामाका प्रभावशाली तथा अछामका बुद्धिजीवी नेता समेत भएकाले उहाँको जित अबको संबिधानसभा चुनावका  लागी शुनिश्चित बनेको छ ।’आगामी संविधान सभा निर्वाचनका लागि प्रमुख तीन दलले अछामका दुबै निर्वाचन क्षेत्रमा प्रत्यक्षतर्फ उम्मेदवारी चयन गरेका छन् । एकीकृत नेकपा माओवादीले उम्मेदवारको नाम सार्वजनिक गरिसकेको छ भने अन्य दुई दल नेपाली काँग्रेस र नेकपा एमालले सार्वजनिक भने गरिसकेका छैनन् । यद्दपि दुबै दलले उम्मेदवारको नाम चयन गरिसकेको जनाएका छन् । एमाओवादीको शनिबार सम्पन्न पार्टी पदाधिकारी बैठकले आगामी संविधान सभा निर्वाचनका लागि क्षेत्र नम्बर १ बाट दिपक साउँद र क्षेत्र नम्बर २ बाट झंकर रावलको नाम चयन गरेके छ । नेपाली काँगे्रसमा संसदिय बोर्डले क्षेत्र नम्बमर १ बाट मेघराज खड्का र क्षेत्र नम्बर २ बाट बलबहादुर कुँवरको नामचयन गरेको पार्टी स्रोतले जनाएको छ । नेकपा एमालेले क्षेत्र नम्बर १ बाट भीम रावल र क्षेत्र नम्बर २ बाट भरत साउँदको नाम चयन गरेको एमाले जिल्ला अध्यक्ष शेरबहादुर कुँवरले जानकारी दिनुभयो । काँग्रेस र एमालेले औपचारिक रुपमा सोमबार उम्मेदवारको नाम घोषणा गर्ने जनाएको छ । यस पटक टिकट पाएका मध्ये दिपक साउदँ, मघे राज खड्का र बलबहादरु कवँु र नयाँ अनुहार हुन भने बाँकी तीन पुरानै अनुहार हुन् । भीम रावल यस अघि तीन पटक सांसदको लागि चुनाव लडिसक्नु भएको छ । ०५१ को निवार्चनमा काँगसे्र का गोबिन्दबहादरु शाहलाई पराजित गरेर सांसद बन्नु भएका रावलले ०४८ सालको निर्वाचनमा पराजित हुनुपरेतापनि ०५१ मा भने चुनाव जित्नुभएको थियो । यसरी उहाँ पटक–पटक गरी नेपाली राजनितीमा उच्च ओहोदामा पुगिसक्नुभएको छ । एमाले क्षेत्र नम्बर २ बाट टिकट पाएका भरत साउँद यस अघि ०५६ को निवार्चमा पार्टी फुटेका कारणले पराजित हुनु भएको थियो । अहिले एमाओवादी क्षेत्र नम्बर २ बाट टिकट पाएका रावल ०५६ को निर्वाचनमा नेकपा एमालेबाट पार्टी फुटेर अलग भएको पार्टी नेकपा मालेबाट चुनाव लड्नुभएको थियो । यस पटकको संविधान सभा निर्वाचनमा तीनै पार्टीबाट प्रत्यक्षतर्फ उम्मेदवारको टिकट पाउने सबै अघिल्लो संविधान सभा ०६४ मा टिकट पाएका उम्मेद्धार कोही पनि छैनन् । तीनै पार्टीले यस पटकको निर्वाचनमा दुबै क्षेत्रबाट नयाँ उम्मेदवारलाई टिकट दिएका छन् ।

एमालेयमय भेरी

नेपालगंज । 

दोश्रो संविधानसभाको निर्वाचन नजिकिदै जाँदा नेकपा एमालेले भेरी अंचलमा यस पटक रेकर्ड ब्रेक गर्ने गरी तयारी गरेको छ । अघिल्लो पटक भेरी अंचलका १५ वटा सिट मध्ये सुर्खेतमा दुई र दैलेखमा एक गरी तीन सिटमा मात्र जितेको एमालेले भेरी अंचलमा यस पटक कम्तीमा दश सिट जित्ने गरी तयारी गरेको छ ।

अघिल्लो संविधानसभामा जिल्लाका तीन मध्ये दुई सिट जितेर मध्यपश्चिममै बचस्र्व देखाएको एमालेले यस पटक सुर्खेतका तीन वटै क्षेत्रमा जित्ने गरी उम्मेदवार उठाउदै छ । क्षेत्र नं १ मा सिफारिस गरिएका पूर्वसभासद कमला शर्मा, युवा नेता ध्रुवकुमार शाही र पूर्व जिविस सभापति वालकृष्ण विसी मध्ये अघिल्लो पटक कांग्रेसका उम्मेदवार लालबहादुर घलेलाई करिब ७ हजारको मतले हराएकी शर्मालाई नै अघि सार्ने प्रवल संभावना छ । नेपाली कांग्रेसले नेता पूर्णबहादुर खडकालाई सो क्षेत्रवाट उम्मेदवार वनाउन सिफारिस गरेपछि एमालेले शर्मालाई अघि सारेपछि विजयी सुनिश्चित रहेको बताएको छ ।

तीन ठुला सहकारीको साधारणसभा

गंगामालाको कारोबार ८ करोड 

गंगामाला स्वावलम्बन विकास बचत तथा ऋण सहकारी संस्था छिन्चु सुर्खेतले गत आर्थिक बर्षमा ८ करोड ७० लाख ५१ हजार ९ सय ३२ रुपैयाँको कारोबार गरेको छ । संस्थाको गत आर्थिक बर्षको अन्तसम्म ४ करोड १७ लाख ६७ हजार ९ सय १९ कुल पुँजीमा ८ लाख शुद्ध नाफा गरेको जनाइएको छ ।

संस्थाको १६ औँ साधारणसभामा शनिबार उक्त जानकारी दिईएको हो । संस्थाको आफ्नै भवनमा आयोजित साधारणसभालाई नेपाल बचत तथा ऋण केन्द्रीय सहकारी लिमिटेड (नेफेस्कुन) का सञ्चालक दामोदर अधिकारीले उद्घाटन गरे । 

उद्घाटन पछि बोल्दै सञ्चालक अधिकारीले सहकारी संस्था सदस्यहरुलाई ऋण खुवाउने भन्दा पनि उनीहरुको फजुल खर्च कटौतीगरी बचत गर्ने बानीको विकास गर्ने माध्यम हुनुपर्ने बताए । उनले गंगामाला सहकारीले मध्यपश्चिममै नमूना र उत्कृष्ठ काम गरेको चर्चा गर्दै आगामी दिनहरुमा राष्ट्रकै नमूना सहकारीका रुपमा विकास गर्न सुझाव दिए ।

संस्थाले लघु वित्त र आयआर्जन मार्फत आर्थिक, समाजिक र नैतिक विकास गर्न अतुलनिय योगदान गरेको बताउँदै उनले कृषिलाई प्राथमिकता दिएर उत्पादनमुखी कार्यक्रममा जोड दिनुपर्ने अधिकारीले बताए । 

जिल्ला बचत तथा ऋण सहकारी संघका उपाध्यक्ष ज्ञानेन्द्रबहादुर वलीले सहकारीले गरेको कामको चर्चा गर्दै आगामी दिनहरुमा प्रगतिको कामना गरे । उनले आफ्ना कामलाई गुणस्तरियता हाँसिल गर्न उन्मुख गराउनतर्फ संस्था केन्द्रीत हुनुपर्ने बताए । संस्थाले साधारणसभामा ३१ जना जेहन्दार तथा उत्कृष्ठ विद्यार्थीहरुलाई पाँच सय रुपैँयाका दरले छात्रबृत्ति वितरण गरेको थियो ।