ओलीलाई अध्यक्ष बनाउने सुर्खेत एमालेको निर्णय
सुर्खेत, ३१ जेठ ।
नेकपा एमाले जिल्ला कमिटी सुर्खेतले नवौं महाधिवेशनबाट केपि शर्मा ओलीलाई सर्वसम्मत पार्टी अध्यक्ष बनाउन पहल गर्ने निर्णय गरेको छ । जिल्ला संगठन कमिटीको चौंथो पूर्ण बैठकले उक्त निर्णय गरेको हो ।
केपि शर्मा ओलीलाई चयन गरी माधवकुमार नेपालले पार्टीमा अभिभावकिय भूमिका पुरा गरी पार्टीमा एकता प्रर्दशन गर्न केन्द्र समक्ष अनुरोध गर्ने र सुर्खेतवाट केन्द्रीय कमिटी र निकायहरुमा प्रतिनिधित्व सुनिश्चित गर्न पहलकदमी गर्ने निर्णय गरिएको छ ।
उक्त निर्णय मा ११ जना जिल्ला कमिटी सदस्यहरुले असहमति राखेका थिए । वैठकमा जिल्ला संगठन कमिटीका ६१ जना सदस्यहरुको सहभागीता रहेको थियो । महाधिवेशनको प्रतिनिधि छनौटको लागि अषाढ ७ गते क्षेत्र नं. १ को सहारेको वोटेचौर, क्षेत्र नं. २ को वीरेन्द्रनगर, क्षेत्र नं. ३ को वावियाचौर दलित र मजदुर निर्वाचन क्षेत्रको वीरेन्द्रनगरमा प्रतिनिधी छनौट गर्ने निर्णय गरियो जनाइएको छ ।

एसएलसी परीक्षाको नतिजा सार्वजनिक, नियमिततर्फ ४३ दशमलव ९२ प्रतिशत उत्तिर्ण (परीक्षाफलसहित)

Advertisement

काठमाडौ, जेठ ३० – (अपडेट) २०७० सालको एसएलसी परीक्षाको नतिजा सार्वजनिक भएको छ । यसवर्ष पनि निराशाजनक नतिजा आएको छ ।

परीक्षा नियन्त्रण कार्यालय सानोठिमीका अनुसार नियमिततर्फ ४३ दशमलव ९२ प्रतिशत अर्थात एकलाख ७३ हजार ४ सय ३६ जना उत्तिर्ण भएका छन् ।

पोहोरको उत्तिर्ण प्रतिशत ४१ दशमलव ५७ थियो । विशिष्ट श्रेणीमा १८ हजार १ सय १०, पहिलो श्रेणीमा ८३ हजार ६ सय ३७, दोस्रो श्रेणीमा ६७ हजार ९ सय ४२ र तेस्रो श्रेणीमा ३ हजार ७ सय ४७ जना पास भएका कार्यालयले जनाएको छ ।

एक्जाम्टेडतर्फ १४ हजार ५ सय ९१ अर्थात १० दशमलव ९२ प्रतिशत विद्यार्थी पास भएका छन् । यसवर्ष नियमिततर्फ ४ लाख १९ हजार ३ सय ५२ र एक्जाम्टेडतर्फ १ लाख ४६ हजार ७ सय ३३ जनाले परीक्षा दिएका थिए ।

एसएलसीको नतिजा सार्वजनिक भएपछि एसएलसी टाईप गरी एक स्पेश दिएर सिम्बोल नम्बर लेखी ५५६६ मा एसएमएस गरेर थाहा पाउन सक्नुहुन्छ । त्यस्तै १६६०–०१– ५–५५–६६ मा फोन गरेर पनि तपाईंले आफ्नो नतिजा थाहा पाउन सक्नुहुनेछ ।

परीक्षाफल केहीबेरपछि SLC <1 space> symbol number टाइप 5566 मा sms गरेर थाहा पाउन सकिन्छ ।

नियमित तर्फको परीक्षाफल हेर्न यहाँ क्लिक गर्नुहोला ।

एक्ज्याम्टेडतर्फको परीक्षाफल हेर्न यहाँ क्लिक गर्नुहोला ।

जिविस र नगरपालिका कार्यसम्पादनमा प्रथम
सुर्खेत, २६ जेठ ।
जिल्ला विकास समिति सुर्खेत र वीरेन्द्रनगर नगरपालिका सुर्खेत न्यूनतम सर्त तथा कार्यसम्पादन मापन (एमसीपिएम) मा प्रथम स्थान हाँसिल गर्न सफल भएका छन् । आर्थिक बर्ष २०६९÷०७० को देशभरीका नगरपालिका र जिल्ला विकास समितिको नतिजा सार्वजनिक भएको छ ।
स्थानीय विकास तथा वित्त आयोगले जारी गरेको प्रारम्भिक प्रतिवेदनमा जिल्ला विकास समिति सुर्खेतले ६३ र वीरेन्द्रनगर नगरपालिकाले ७८ नम्बर प्राप्त गरी उत्कृष्ट भएका हुन् । जिविस सुर्खेत आ.व. २०६७÷०६८ मा असफल भएको थियो । आ.व.२०६७÷०६८ मा असफल भएपनि आ.व. २०६९÷०७० मा ६३ नम्बर ल्याएको हो । आयोगले बनाएका विभिन्न सुचकहरु पुरा गर्नुपर्ने र सुचकहरुमा काम गरे–नगरेकै आधारमा एमसीपीएम  मापन गरिन्छ । 

खानेपानीको जोहो गर्न रातभरी

सुर्खेत, २८ जेठ ।
आग्रीगाउँ गाउँ विकास समिति वडा नं. १,७,८ र ९ मा खानेपानीको चरम संकट रहेको छ । खानेपानीका मुहानहरु सुक्दै गएपछि पानीको संकट बढ्दै गएको हो । खानेपानीका लागि स्थानीयबासीन्दाहरु रातभरी जागराम बस्ने गरेका छन् ।
आग्रीगाउँ गाविस वडा नं. १ को पुन्यौटा, वडा नं. ७ को धारी, वडा नं. ८ को धुरपैरा खोला र वडा नं. ९ को बडासीमाको खोलामा पानीको सानो स्रोत रहेको छ । अन्य समयको तुलनामा गर्मी मौसममा पानीको स्रोत सुक्दै जाँदा थप समस्या हुने गरेको छ । पानीको जोहो गर्न रातभरी कुर्ने गरेका छन् ।

सुर्खेत उपत्यकामा खानेपानीको स्रोत थपिँदैदीपक बुढा

सुर्खेत, २८ जेठ ।सुख्खा मौसममा पानीको हाहाकार व्यहोर्दै आएको सुर्खेत उपत्यकामा दुई बर्ष भित्र पानीको स्रोत थपिने भएको छ । खरीखोला र बोरीखोलाको पानी झुप्रा खानेपानीको स्रोतमा मिसाएपछि केही राहत हुने भएको हो ।
गर्पन–साटाखानीको सिमानाबाट आउने खरीखोला र रतु–गर्पनको सिमानाबाट आउने बोरीखोलाको दोभानबाट पानी संकलन गरी प्रतिसेकेण्ड ३० लिटर पानी उपत्यकामा पु¥याउने योजना बनाइएको छ । आर्थिक बर्ष २०७१÷०७२ मा ठेक्का प्रक्रिया सुरु भएर दुई बर्षभित्र निर्माण कार्य सम्पन्न हुने झुप्रा बृहत खानेपानी तथा सरसफाइ उपभोक्ता संस्थाका अध्यक्ष कुलमणि देवकोटाले बताए । २०७३ सालमा थप खानेपानी पानी उपत्यकामा भित्रिने उनको भनाई छ  । 

गत आर्थिक बर्ष प्रारम्भिक सर्वे, चालु आर्थिक बर्षमा विस्तृत सर्वे गरिएको छ । खानेपानी तथा ढल निकास विभाग र क्षेत्रीय अनुगमन तथा सुपरिवेक्षण कार्यालयको प्राविधिक टोलीले उक्त अध्ययन गरेको हो ।
आयोजना निर्माण स्थलको पत्रकारहरु सहितको टोलीले स्थलगत अवलोकन गरेको छ । अवलोकनका क्रममा पानीको अवस्था समेत जाँच गरिएको थियो । झुप्रा बृहत खानेपानी संस्थाका प्राविधिक इन्जिनियर डम्मर गौतम र सव–इन्जिनियर बालाराम तिवारीले पानीको तह नापेका थिए । प्रतिसेकेण्ड ८२ लिटर पानी निरन्तर बगिरहेको प्राविधिकले जानकारी दिए ।

साढे ८ किलोमिटर पाइपलाइन विस्तार गरेर झुप्रा खोलाको करेखोलामा रहेको रिजर्भ टङ्कीमा पानी खसालेपछि पुरानै संरचनाबाट पानी उपत्यकामा पुग्ने अध्यक्ष देवकोटाले बताए । खरीखोला र बोरीखोलाको पानी उपत्यकामा पु¥याए ७ देखि १० हजार धारा नयाँ जडान गरी दैनिक साँझ, विहान २÷२ घण्टा पानी वितरण गर्न सकिने योजना रहेको छ । उक्त आयोजनाबाट १० बर्ष सम्मका लागि उपत्यकाको खानेपानी समस्या समाधान हुने  जनाइएको छ ।

यौन क्रियाकलाप गर्दै गरेका १८ जना युवायुवती रङ्गेहात पक्राउ
यौन क्रियाकलापमा संग्लग्न रहेको १८ जना युवायुवतीलाई प्रहरीले पक्रेको छ । जिल्लाको सुनवल र बर्दघाटका केहि होटलमा सञ्चालक सहित उनीहरु पक्रिएका हुन् । 

पत्रकार महासंघका अध्यक्षले पौडी खेल्न नजानेपछि ......................
सुर्खेत, २५ जेठ ।
नेपाल पत्रकार महासंघ सुर्खेत शाखाका अध्यक्ष गणेशकञ्चन भारतीले पौडी खेल्न नजानेपछि खैलाबैला भएको छ । विस्तारै पोखरीमा गएका भारती पौडी खेल्न नजानेपछि टुवमा तैरिएका थिए ।
वीरेन्द्रनगर स्थित घण्टाघर पार्क भित्र अत्याधुनिक पौडी पोखरीको आइतबार उद्घाटन गरिएको छ । वीरेन्द्रनगरमा नीजि लगानीमा राष्ट्रिय तथा क्षेत्रीय स्तरको पौडी प्रतियोगिता गर्न सकिने स्वीमिङ पुल (पौडी पोखरी) को औपचारिक रुपमा उद्घाटन गरिएको हो ।

जिल्ला स्थित उद्योगी, व्यापारी, पत्रकारहरुको उपस्थितिमा जिल्ला ट्राफिक प्रहरी प्रमुख जीवन बुढाथोकी, झुप्रा बृहत खानेपानी तथा सरसफाइ उपभोक्ता संस्थाका अध्यक्ष कुलमणि देवकोटा र वीरेन्द्रनगर नगरपालिका कार्यकारी अधिकृत होतराज लम्सालले संयुक्त रुपमा पौडी पोखरीको उद्घाटन गरेका हुन ।
घण्टाघर पार्क रिसोर्टले पश्चिम नेपालकै सबै भन्दा ठूलो पौडी पोखरी (स्वीमिङ पुल) को आइतबारदेखि संचालनमा ल्याएको छ । वीरेन्द्रनगर–६ मा रहेको घन्टाघर पार्कका सञ्चालक चिन्तामणि शर्माले आफ्नै लगानीमा पार्क भित्रै पौडी पोखरी सञ्चालन गरेका हुन् ।
झन्डै ६५ लाख रुपैयाँमा पौडी पोखरी सञ्चालन गरिएको सञ्चालक शर्माले जानकारी दिए । पर्यटकीय स्थलको रुपमा सोे ठाउँलाई विकास गर्न र पौडी खेलमा खेलाडीलाई प्रोत्साहित गर्न स्वीमिङ पुल सञ्चालन गरिएको शर्माले बताए ।

वीरेन्द्रनगर नगरपालिकाबाट प्राविधिक जाँच गराएर पौडी पोखरी निर्माण गरिएको हो । पोखरीको १३ मिटर चौडाइ, २६ मिटर लम्बाइ छ भने पानीको तह पौने चार फिट रहेको सञ्चालक शर्माले बताए ।