ट्राफिक प्रहरीको सक्रियता बढ्यो
सडक देखि होटलसम्म निगरानी
हिमा उपाध्याय
सुर्खेत, ३ जेठ ।
जिल्ला ट्राफिक प्रहरी कार्यालय सुर्खेतले आफ्नो सक्रियता बढाएको छ । पछिल्लो समय ट्राफिक प्रहरीले सडकदेखि होटल सम्म आफ्नो निगरानी बढाएको हो । ट्राफिक नियम उलंघन गर्ने सवारी साधन चलाउनेदेखि सा“झ अवेर सम्म होटल रेष्टुरा“मा बसेर मादकपदार्थ प्रयोग गर्ने चालकहरु ट्राफिक प्रहरीको निगरानीमा पर्ने गरेका छन् ।
जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक कृष्णप्रसाद सापकोटाले दैनिक जसो फरक फरक स्थानमा सवारी चेकचा“ज गरिएको बताए । ‘सा“झ हामी मापसे चेक जा“च गर्छौ । होटल, रेष्टुरेन्टमा मादकपदार्थ सेवन गरेकालाई हामी निगरानी गछौं ।’ उनले भने ‘हामीलाई देखेपछि मादकपदार्थ प्रयोग गर्नेहरु पनि समयमै घर फर्किन्छन् ।’
सा“झ अवेर सम्म होटलमा बसी मादक पदार्थ सेवन गर्ने र आफै सवारी साधन चलाएर फर्किने सवारी चालकहरु सजक भएको बताईएको छ । मादक पदार्थ सेवन गरी सवारी साधन चलाएको पाईएमा पहिलो पटक न्यूनतम जरिवाना गरी सम्झाउने, ट्राफिक प्रहरीलाईनै धम्काएमा उसैलाई प्रहरीको सहयोगमा नियन्त्रण लिई कार्वँहि सम्म गर्न सकिने बतँईएको छ ।
सामान्य नागरिकदेखि आफ्नै प्रहरी कर्मचारीहरु समेत कार्वाहिमा पर्ने गरेका छन् । ट्राफिक प्रहरी प्रमुख सापकोटाले भने ‘नियम उलंघन गरी जसले ठुला–ठुला कुरा गर्छ उसैबाट म धेरै जरिवाना लिन्छु’ उनले भने ‘म काममा विश्वास गर्छु । इमान्दारीतापूर्वक मैले आफ्नो जिम्मेवारी निर्वाह गरेको छु ।’ नियम उलंघन गर्ने प्रहरीकै एक हवलदारले धेरै ठाउ“बाट फोन गराएपछि एक हजार जरिवाना गराएको प्रहरी निरिक्षक सापकोटाले जानकारी दिए ।
ट्राफिक नियम उलंघन गरी छतमा यात्रु राख्ने, हेलमेट नलगाउने, साईट लाईट, हेडलाईट नराखेका, लाईसेन्स, बिलबुक साथनमा नराखेका सवारी चालकनै कार्वाहिको भागिदार बन्ने गरेको छन् । चालु आर्थिक बर्षमा मात्रै १२ हजार ५ सय ९४ वटा सवारी चालकलाई कार्वाहि गरिएको बताईएको छ । गत आर्थिक बर्षको कार्वाहि संख्या भन्दा झन्डै १० हजार बढी हो । गत आर्थिक बर्षमा २ हजार २ सय ७१ सवारी चालकलाई कार्वाहि गरिएको थियो ।
जिल्ला ट्राफिक प्रहरी कार्यँलय सुर्खेतले बुधबार पत्रकार सम्मेलन गरी ट्राफिक प्रहरीको गतिविधि, कार्वाहि, राजश्व, सवारी दुर्घटनाका बारेमा जानकारी गराईएको थियो । सवारी चेकजा“च तथा कार्वाहिमा तिव्रता दिएपछि राजश्व संकलनमा समेत उल्लेख्य बृद्धि भएको छ ।
गत आर्थिक बर्षमा २ हजार २ सय ७१ सवारी चालकलाई कार्वँहि गरी २ लाख १० हजार ९ सय राजश्व संकलन भएको जनाईएको छ । चालु आर्थिक बर्षमा भने १२ हजार ५ सय ९४ सवारी चालकलाई कार्वाहि गरी १३ लाख ६५ हजार ५ सय ७५ रुपैया“ राजश्व संकलन भएको जनाईएको छ । पौषदेखि बैशाख सम्म चार महिनामा मात्रै १० हजार ३ सय ८४ सवारी चालक कार्वाहि गरी ११ लाख १७ हजार ५ सय रुपैया“ राजश्व संकलन भएको जनाईएको छ ।
त्यसैगरी सवारी दुर्घटनातर्पm गत आर्थिक बर्षमा ७० वटा सवारी दुर्घटनामा परी १९ जनाको मृत्यु भएको थियो । चालु आर्थिक बर्षमा ५३ वटा सवारी दुर्घटनामा परी १५ जनाको मृत्यु हुनुका साथै ७७ जना घाईते भएको ट्राफिक प्रहरी प्रमुख प्रहरी निरिक्षक सापकोटाले जानकारी दिए । वीरेन्दं्रनगरका यरीचोक, घण्टाघर चोक, नेताचोक सवारी दुर्घटनाबढी हुने स्थान भएको जनाइएको छ ।
आफ्नो कार्यकालमा सक्रियता पूवर्क काम गरेको प्रहरी निरीक्षक सापकोटाले बताए । उनले भने ‘मेरो कार्यकालमा ट्राफिक प्रहरीका लागि पर्याप्त सामाग्री समेत व्यवस्था गरेको छु ।’ जिल्लास्थित विभिन्न उद्योगी, व्यवसायीहरुसंग समन्वय गरी ज्याकेट, दुई वटा साईकल, विभिन्न १६ वटा स्थानमा ट्राफिक सचेतना बोर्ड, मंगलगडी चोकमा ट्राफिक बिट स्थापना गरिएको जनाईएको छ । त्यसैगरी फ्रिज, बन्च, टेबुल, कुर्ची, ट्राफिक सचेतना पर्चा, पम्पलेट तयार गरिएको समेत प्रहरी निरिक्षक सापकोटाले बताए ।
ट्राफिक प्रहरीले सुर्खेत–जुम्ला सडक खण्डलाई मध्यनजर गरी पश्चिम बड्डीचौरमा प्रहरी सहायक निरिक्षक कुलबहादुर रानाभाटको नेतृत्वमा ट्राफिक विट स्थापना गर्ने तयारी भएको बताईएको छ । सर्लाहीबाट सुर्खेत आएका ट्राफिक प्रहरी प्रमुख प्रहरी निरिक्षक सापकोटाले आफ्नो चार महिने कार्यकालमा उल्लेख्य काम गरेको दावि गरेका छन् ।
कार्वाहि, राजश्व, दुर्घटना विवरण
आ.व. २०६६÷०६७ आ.व. २०६७÷०६८ आ.व. २०६८÷०६९
कार्वाहि संख्या २,६०० २,२७१ १२,५९४
राजश्व संकलन १,४०८००।– २,१०,९००।– १३,६५,५७५।–
सवारी दुर्घटना ६१ वटा ७० वटा ५३ वटा
मृत्यु २० जना १९ जना १५ जना
No comments:
Post a Comment