विमानस्थल धावनमार्ग विस्तार
सुर्खेत मंसिर १४ । बजेट अभावका कारण सुर्खेत विमानस्थलको धावनमार्ग बिस्तार कार्य पुनः सूचारु हुने भएको छ । विमानस्थलको धावनमार्ग विस्तारका लागि २ करोड रुपैयाँं विनियोजन भए पछि विस्तार कार्य शुरु हुने भएको हो । एक महिना भित्र टेण्डरको प्रक्रिया सम्पन्न गरी चालु आर्थिक बर्षभित्रै धावनमार्ग विस्तार कार्य सम्पन्न गर्ने नागरिक उड्ययन प्राधिकरण कार्यालय सुर्खेतले जनाएको छ ।धावनमार्गको विस्तारका लागि हालसम्म करिब १ करोड ३० लाखको लागतमा ९५ प्रतिशत माटो काट्ने काम सम्पन्न भएको प्राधिकरणका प्रबन्धक श्रीहरी भट्टले जानकारी दिए । सुर्खेत विमानस्थल पर्यटकीय क्षेत्र कर्णाली जाने मूल नाकाको रुपमा रहेको छ । सधै खाद्यन्न अभाव हुने कर्णालका विभिन्न जिल्लाहरुमा खाद्यन्न ढुवानी गर्नका लागि पनि यस विमानस्थललाई महत्वपूर्ण मानिन्छ ।
सुर्खेत विमानस्थलमा हाल सिता, तारा, गोमा, मकालु, काष्ठमण्डप लगायतका एयरलाइन्सहरुले उडान भर्दै आए पनि धावनमार्ग सानो भएकाले केही निजी ठुला एयरलाइन्सहरुले उडान भर्न सकेका छैनन् ।
सुर्खेत–काठमाडौं हवाई सेवा संचालन गर्न निजी विमान कम्पनीहरु आतुर भए पनि धावनमार्ग विस्तार नहुँदा सेवा संचालन हुन सकेको छैन ।
पर्यटक भित्र्याउन महत्तवपूर्ण मानिएको सुर्खेत विमानस्थल धावनमार्ग विस्तारमा ढिलाई भएपछि यस क्षेत्रको पर्यटन व्यवसाय समेत प्रभावित भएको छ । सुर्खेत विमानस्थलाई पर्यटन विकासको महत्वपूर्ण नाकाको रुपमा रमेत हेरिएको छ । विमानस्थलको उत्तरतर्फको २ सय मिटर क्षेत्र विस्तार एवं कालोपत्रे गर्न माटो काट्ने काम अन्तिम चरणमा पुगेको छ ।
कालोपत्रे गर्न भने समय लाग्ने प्राधिकरणले जनाएको छ । विस्तारित क्षेत्रको माटो कटिङ गर्ने कार्य करिब ९५ प्रतिशत सकिएको र वरिपरि तारबार गर्ने काम पनि सुरु भइसकेको छ । थप गरिएको धावनमार्ग कालोपत्रे गर्न लागिएको छ ।
No comments:
Post a Comment