थुम्को र गुफा संरक्षणमा स्थानीय जुटे
दीपक बुढा
सुर्खेत, २३ चैत
बजेडीचौर–८ मा पर्ने कोटको थुम्को र खानीपाखा गुफा संरक्षणमा स्थानीयबासी जुटेका छन् । पर्यटकिय तथा धार्मिक महत्वका ती स्थलहरुको प्रचार प्रसार गर्दै संरक्षणमा स्थानीय लागेका हुन् ।
ऐतिहासिक, धार्मिक, सा“स्कृतिक तथा पर्यटकिय दृष्टिले महत्व बोकेको थुम्को र गुफा संरक्षणका लागि स्थानीयबासीन्दा समिति बनाएर लागेका छन् । लामो समयदेखि ओझेलमा परेका ती स्थनको संरक्षण गर्न भन्दै रुद्रबहादुर वस्नेतको अध्यक्षमा १३ सदस्यीय संरक्षण समिति गठन गरिएको छ ।
समितिकै सक्रियतामा पर्यटकिय स्थल सम्म पुग्ने करिव ३ किलोमिटर बाटो निर्माण गरिएको छ भने थुम्कोमा शिवरात्रीमा पुजापाठ र मेला भर्ने प्रबन्ध मिलाईएको छ । स्थानीय चित्रबहादुर चन्दले भने ‘पहिले भाई टिकाको दोस्रो दिन जात्रा लाग्ने गथ्र्यो पछि उक्त थुम्को बाट खसेर एक जनाको मृत्यु भएपछि मेला रोकिएको थियो ।’ उनले भने ‘यसैबर्षदेखि हामीले शिवरात्रीमा मेला लगाईरहेका छौं ।’
वरीपरी लालिगुरा“स, ¥याझका विरुवा रहेको छ । जंगलको बिचमा अग्लो थुम्को रहको छ । जुन थुम्कोमा जात्रा (मेला) लाग्दा जतिसुकै मान्छेहरु पनि अटाउने, थुम्कोमा रहेको कोटेश्वर महादेवको पुजा गरेमा मनले चिताएको वस्तु प्राप्त हुने पौराणिक मान्यता रहेको छ । करिव एक सय १० मिटर अग्लो थुम्को रहेको छ । खानीपाखाको गुफा भने एक सय पचास मिटर भित्र रहेको छ । बाहिर सानो प्वाल भएपनि भित्र ५० जना अटाउने हल समेत रहेको स्थानीयबासीन्दाले बताए ।
कोटको थुम्को संरक्षण विकास समितिकै आयोजनामा थुम्को र गुफाको अवलोकन तथा संरक्षणका लागि छलफल कार्यक्रम सम्पन्न भएको छ । पर्यटन प्रवद्र्धन कार्यदल, संचारकर्मीको संयुक्त टोली, स्थानीयबासीन्दा, जिल्ला विकास समितिका कर्मचारी, स्थानीय राजनीतिक दलका प्रतिनीधि सहितको उपस्थितिमा छलफल सहित स्थलगत भ्रमण गरिएको हो ।
पर्यटन प्रवद्र्धन कार्यदलका संयोजक स्थानीय विकास अधिकारी हिरालाल रेग्मीले डेढ बर्षदेखि जिल्लामा रहेका पर्यटकिय स्थलको खोजी भैरहेको जानकारी दिए । ‘पर्यटन विकासको प्रचुर संम्भावना बोकेको सिम्ता क्षेत्रको आफ्नै पहिचान छ’ उनले भने ‘यस क्षेत्रको सिस्नोलाई व्यवसायीक रुपमा उत्पादन र बजारीकरण गर्न आवश्यक छ ।’
पर्यटकिय तथा धार्मिक दृष्टिले महत्वपूर्ण मानिएको थुम्को संरक्षणमा स्थानीयबासीन्दाले देखाएको सक्रियताको प्रसंशा गर्दै योजनाबद्ध रुपमा माग भएमा जिल्ला विकास समितिबाट सहयोग हुने उनले प्रतिबद्धता व्यक्त गरे ।
‘थुम्को सा“च्चीकै प्रशिद्ध रहेछ । आन्तरीक तथा बाह्रय पर्यटन आकर्षित गर्न प्रचार प्रसार र स्थानीयबासीन्दाको सक्रियतामा संरक्षणको खा“चो छ ।’ कार्यदलका संयोजक तथा एलडिओ रेग्मीले भने ।
पर्यटन प्रवद्र्धन कार्यदलका सदस्य–सचिव तथा सुर्खेत उद्योग वाणिज्य संघका अध्यक्ष्ँ विष्णुबहादुर शाहीले पर्यटन विकास गर्न राज्यले मात्रै सम्भव नहुने भएकाले स्थानीय समूदाय, नागरिक समाज, उद्योगी, व्यापारी सबै एक जुट भएर पर्यटन विकासमा लाग्नुपर्ने बताए ।
‘पर्यटन विकासका लागि सबै क्षेत्र संगसंगै अगाडी बढ्नुपर्छ ।’ उनले भने ‘पर्यटकिय स्थलको प्रचार प्रसार गर्न स्थानीयबासीनै सक्रिय हुनुपर्छ र संचारकर्मीलेपनि साथ दिनुपर्छ ।’ कार्यक्रममा
संरक्षण समितिका सदस्य चित्रबहादुर चन्दले ध्यानाकर्षण पत्र सुनाउदै मोटरबाटोको निर्माण, मन्दिर सहित अन्य भौतिक पूर्वाधार निर्माण गर्न आवश्यक सहयोग, थुम्को र गुफाको प्रचार प्रसार गर्न आवश्यक रहेको बताए । आयोजित छलफल कार्यक्रममा एकीकृत नेकपा माओवादीका जितबहादुर राना, नेपाली का“ग्रेसका अनन्त पौडेल, नेकपा एमालेका धुव्रकुमार शाही, नेकपा एमाले नगर कमिटी अध्यक्ष पूर्णप्रसाद पौडेल, वातावरण सुधार समाजका जगत के.सी., जिल्ला विकास समितिका योजना अधिकृत धुर्व आचार्य, डिभिजन सहकारी प्रमुख आनन्द सारु लगायतको पर्यटन प्रवद्र्धनमा सहयोग गर्ने प्रतिवद्धता जनाएका थिए ।
छोराको स्मृतिमा थुम्कोलाई सहयोग
सुर्खेत, २३ चैत
कोटको थुम्को संरक्षण गर्न एक स्थानीय समाजसेवीले सहयोग गर्ने प्रतिबद्धता जनाएका छन् । स्थानीय समाजसेवी भुपेन्द्र पोखरेलले स्वर्गिय छोरा रत्नबहादुर पोखरेलको सम्झनामा जति सुकै रकम लागेपनि सहयोग गर्ने प्रतिबद्धता जनाएका हुन् । अमेरीकामा रहेका एक मात्र छोरा रत्नबहादुर पोखरेलको केहि समय अघि मृत्यु भएको थियो ।
भुपेन्द्र पोखरेलका प्रतिनीधि भक्तबहादुर पोखरेलले भने –‘थुम्को सम्म पुग्नका लागि सिंढि, वरीपरी तारबार र थुम्कोमा कोटेश्वर महादेवको मन्दिर निर्माण गर्न जति रकम लागेपनि सहयोग गर्नेछौं ।’ उनले भने ‘पर्यटकिय तथा धार्मिक दृष्टिले महत्वपूर्ण मानिएको थुम्कोको संरक्षण गर्न समितिले जायज योजना बनाएमा सहयोग हुन्छ ।’ जेष्ठको अन्तिमदेखि दशैं अगाडीसम्म कोटेश्वर महादेवको मन्दिर निर्माण गरी संरक्षण समितिलाई हस्तान्तरण गरिसक्ने पोखरेलले योजना सुनाए । थुम्को पवित्र स्थल भएकाले यसमा सहयोग गरेर छोराको सम्झना गरिएको बताए ।
No comments:
Post a Comment