चलचित्र महोत्सवमा ६ वटा फिल्म प्रदर्शन
हिमा उपाध्याय
सुर्खेत, ५ बैशाख ।
राष्ट्रिय चलचित्र महोत्सव २०६९ का अवसरमा ६ वटा फिल्महरु प्रदर्शन गरिने भएको छ । चलचित्र विकास बोर्डले ती चलचित्रहरु प्रदर्शनीका लागि छनोट गरेको हो । नेपाली समाजको यथार्थता झल्कने, प्रेमका भन्दापनि फरक विशेषताका चलचित्रहरु रहेको महोत्सव आयोजक समितिका संयोजक तथा बोर्डका अध्यक्ष गणेश भण्डारीले बताए ।
मसान, किसान, फुल, सायद, बुह्रान र ठेगाना प्रदर्शन हुने भएका छन् ।
फुल, सायद, किसान प्रदर्शन नभएका फिल्म हुने भने मसान, बुह्रान, ठेगाना प्रदर्शन भएका चलचित्र हुन् । फरक फरक जातजाति, भाषा, संस्कृतिमा आधारित ६ वटा चलचित्रलाई समिक्षाको विषय वस्तु बनाई भएको छ । चलचित्र विकास बोर्डले यस अघि बर्ष उत्कृष्ट भन्दै पुरस्कृत गरिएका फिल्मनै प्रदर्शन हुने भएका छन् ।
बैशाख ८ गतेदेखि सुरु हुने राष्ट्रिय चलचित्र महोत्सवमा राष्ट्रिय स्तरका ७० जना कलाकारहरु सहभागि हुनेछन् । पहिलो दिन प्रधानमन्त्री डा. बाबुराम भट्टराईद्वारा महोत्सवको उद्घाटन गर्ने तयारी गरिएको भएपनि प्रधानमन्त्री आउने वा नआउने कुनै टुङ्गो लागेको छैन् । महोत्सव १० गते सम्म संचालन हुनेछ ।
पहिलो दिन विविध झा“की सहित उद्घाटनको कार्यक्रम हुनेछ । दोस्रो र तेस्रो दिन छनोट गरिएका ६ वटा चलचित्रहरुको प्रदर्शन गरिने आयोजनकले जानकारी दिएको छ । प्रदर्शन गरिने चलचित्रहरु हेर्नका लागि विशेष र सामान्य पासको व्यवस्था गरिनेछ । विशिष्ट व्यक्तिलाई विशेष पासको व्यवस्था गरिने भएको छ । चलचित्र प्रदर्शन हुने समयमा प्रदर्शन हुने फिल्म हलमा पुग्ने सर्वसाधारणले समेत अवलोकनको पास पाउनेछन् । टिकर्ट छपाईको काम भैरहेको जनाईएको छ ।
तेस्रो दिन पर्यटकिय करिडोर विकासका लागि राष्ट्रिय स्तरका कलाकारहरुलाई सुर्खेतको गढी, देउती वज्यै, बुलबुले ताल, का“क्रेविहारको भ्रमण गराईने महोत्सव उपसमितिका निर्देशक गोविन्द कोइरालाले जानकारी दिए । राष्ट्रिय महोत्सवलाई मध्यनजर गरी आज (बुधबार) नेपाल आर्मीले बुलबुले उद्यान, नेपाल प्रहरीले देउती वज्यै र सशस्त्र प्रहरीले खुल्ला मञ्चको सरसफाई गर्ने भएका छन् ।
महोत्सव आयोजक समितिले नीजि तथा आवासीय विद्यालय अर्गनाईजेशन नेपाल (प्याव्सन), सुर्खेत उद्योग वाणिज्य संघसंग समन्वय गरी वीरेन्द्रनगर बजारभरी व्यानर, गेट राखिने जनाईएको छ ।
फुल
निर्देशक शिब रेग्मी आफ्नो १८ औं चलचित्रको रुपमा फूलको निर्देशन गरेका हुन् ।
मित्रता सिने मुभिजको ब्यानरमा निर्माण भएको उक्त चलचित्र चितवनमा मुहुर्त गरिएको थियो । शम्भु सापकोटाको छाया“कन रहने सो चलचित्रमा राजबल्लभ कोईराला, निरज बराल, गरिमा पन्त, निर शाह, युवराज लामा, किरण केसी, राजाराम पौडेल, उत्तम केसी लगायतका कलाकारहरुले अभिनय गरेका छन् ।
रेखा पौडेलको संगीत रहेको छ । संजीत कुमार ‘बब्लु’, चन्द्र श्रेष्ठ, यमनाथ दनै, क्रन्दन मास्के र सुनिल श्रेष्ठले निर्माण गरेको चलचित्र ‘फूल’ को कथा बिकास आचार्य र निर्देशक रेग्मीले लेखेका हुन् । चलचित्र ‘फूल’ को कथा नारी संवेदनामा आधारित रहेको छ । नारी एउटा फूल हो जसलाई हामीले मन लागेको बेला सुंघ्छौं र मन लागेकै बेला टिपेर फाली दिन्छौं पनि । चलचित्रको कथा बस्तुलाई अझ प्रस्ट पार्न गीतकार डा कृष्णहरी बरालले नारीलाई फूलसंग यसरी तुलना गरेका छन ।
सानै हुरीमा पनि तिमीले झर्नु पर्छ अरुकै लागी तिमीले सुवास छर्नु पर्छ । सक्छौ सहन कति तिमीले ए फूलपूजा अरुको हु“दा तिमीले मर्नु पर्छ भावको गित चलचित्रमा राखिएको छ । छायांकन ईलाम र काठमान्डौमा गरिएको थियो ।
बुह्रान
पहाडी भेगबाट तराईमा बसाई सरेपछि त्यहा“ बसोबास गरिरहेका थारु समुदाय लखेटिएको कथामा बनेको छ चलचित्र बुह्रान । उक्त चलचित्रले घरवारविहीन थारुहरु २०२२ को भूमिसुधारपछि जमिन्दारको घरमा आजीवन ऋणी बनेर कमैया एवं कमलरी बस्नुपर्ने बाध्यतालाई मार्मिक ढंगले उठाएको छ ।
निर्देशक अजित लामिछानेले चलचित्रलाई जीवन्त रुपमा उतारेका छन् । एक अर्थमा भन्ने हो भने यी चलचित्र वृत्तचित्रकै धारमा बन्ने गरेका छन् । जातीय संस्कृतिमाथि बन्ने अधिकांश चलचित्र कथानकभन्दा पनि वृत्तचित्रजस्तै छन् ।
मसान
अभिनेता तथा निर्देशक नीर शाहले चलचित्र ‘मसान’ निर्माण गरेका छन् । शाहले साहित्यकार स्व.गोपालप्रसाद रिमालको नाटक ‘मसान’ मा आधारित चलचित्र निर्देशन गरेका हुन् । काठमाडौं तथा नारायणघाटमा छायांकन गरिएको यो चलचित्रमा राजबल्लभ कोइराला, केकी अधिकारी, नीता ढुंगाना, दिनेश डिसी, शुभद्रा अधिकारी, केशव भट्टराई, राजाराम पौडेल आदि कलाकारले मुख्य भूमिका निर्वाह गरेका छन् । चलचित्र कलात्मक रहेको छ ।
किसान
निर्देशक बिमल पौडेलले चलचित्र ‘किसान’ को निर्देशन गरेका हुन् । किसानको कथालाई मुख्य कथाबस्तु बनाएर निर्माण गरिएको छ । कृषि उत्पादन, कृषिको व्यवसायीकरण, किसानका समस्याका बारेमा चलचित्रमा कथा वस्तु बनाईएको छ । निर्देशक पौडेलले किसान चलचित्र हरेक किसानले हेर्नुपर्ने भएको बताए । बसन्त कुमार श्रेष्ठ र संजिव प्रधानले निर्माण गरेको सो चलचित्रमा राजेश हमाल, मौसमी मल्ल, नन्दिता केसी, नीता ढुंगाना, बिमल पौडेल, राजेश ढुंगाना, चेतन सापकोटा, निर शाह, राहुल केसी लगायतले अभिनय गरेका छन् । चेतन सापकोटाको संगीत रहेको उक्त चलचित्रमा राजु केसीको छायांकन रहेको छ । चलचित्र चितवनको मंगलपुरमा छायांकन गरिएको हो ।
सायद
अहिलेको समयको प्लस टु जेनेरेशन र त्यसभन्दा अघिको जेनेरेशन बीचको कथालाई फरक ढङ्गमा समेटेर चलचित्र ‘सायद’ बनाईएको छ । दुर्गिस फिल्मसको ब्यानरमा सुरज सुब्बा (नाल्बो) ले निर्देशन गरेका हुन् । चलचित्रको कथा निर्देशक सुरजले नै लेखेका हुन् ।
बैकिंक पेशा अपनाएका सुनिल रावल यस चलचित्रका निर्माता हुन भने उनि यस चलचित्रमा नायक भएर अभिनय गरेकाछन । यस्तै नायिकमा झरना थापाको समेत अभिनय रहेको छ । निर्देशक नारायण पुरीका छोरा संयम पुरीले यस चलचित्रबाट नायकको रुपमा डेब्यू गरेकाछन ।
ठेगाना
निर्देशक रामशरण पाठकद्वारा निर्देशित चलचित्र ‘ठेगाना’ दुई वर्षअघि नै निर्माण भएको थियो । उत्तम खत्रीको प्रस्तुतीकरणमा निर्माण गरिएको यो चलचित्रमा अयुब केसी, अनु शाह, मिथिला शर्मा, गणेश उप्रेती, राजाराम पौडेल, सुशील पोखरेल आदि कलाकारले मुख्य भूमिका निर्वाह गरेका छन् । चलचित्रको मुख्य कथा नायिका अनु शाहको वरिपरि घुमेको छ ।
चार वर्षकै उमेरमा उनका अभिभावकले उनलाई अर्को परिवारलाई हुर्काउन जिम्मा लगाउ“छन । हुर्काउने जिम्मा लिएको परिवारले उनलाई कुनै विदेशीलाई धर्मपुत्रीका रुपमा बेचिदिन्छन । १९ वर्षपछि तीनै युवती (अनु) आफ्ना आमा, बुबा तथा आफ्नो ठेगाना खोज्दै स्वदेश र्फकिन्छन । नायक अयुब केसीले अनुलाई उनको ठेगाना खोज्न सहयोग पु¥याउ“छन् । जुगल डंगोलद्वारा संगीतबद्ध यो चलचित्रका तीनवटा गीतमा राजेशपायल राई, अञ्जु पन्त, उद्धव केसी, केन्जुमा सुब्बा, सुमन केसी आदि गायक, गायिकाको पाश्रव गायन छ । काठमाडौं, नगरकोट, लाकुरी भन्ज्याङ तथा मुडेमा छायांकन गरिएको यो चलचित्र सिम्रन फिल्म्सको ब्यानरमा तयार पारिएको हो ।
No comments:
Post a Comment