परीक्षाफल नआउ“दा विद्यार्थी अन्यौल
हिमा उपाध्याय सुर्खेत
पश्चिम लगामको नेपाल राष्ट्रिय उच्च माध्यामिक विद्यालयको परीक्षाफल लामो समय सम्म पनि प्रकाशन भएको छैन् । चैत्र महिनाको मसान्त भित्र बार्षिक परीक्षाफल प्रकाशित र बैशाख पहिलो सातादेखि विद्यार्थी भर्ना अभियान संचालन गर्ने गरिन्छ तर भर्ना अभियान चलिसक्दा पनि विद्यार्थीहरुले नतिजा पाउन सकेका छैनन् ।
विद्यालयमा उत्पन्न विवादका कारण विद्यालय प्रशासनमा तालाबन्दी गरिएको छ । तालाबन्दी भएको भन्दै विद्यालय प्रशासनले बार्षिक परीक्षाको परीक्षाफल प्रकाशित गरेको छैन् । बार्षिक परीक्षाको परीक्षाफल प्रकाशित नहु“दा विद्यार्थीहरु अन्यौलमा परेका छन् । विद्यालय व्यवस्थापन समिति, प्रधानाध्यापकको लापर्वाहिका कारण विद्यार्थीको भविष्य अन्यौलमा परेको छ ।
विद्यालयका प्रधानाध्यापक नरबहादुर वान्तोलाले शिक्षकहरुले मूल्याङ्न रिर्पोट नदिएको र प्रशासनमा तालाबन्दी भएकाले परीक्षाफल प्रकाशित गर्न समस्या भएको बताए । उनका अनुसार कक्षा–१,२,३ र ८ को मात्रै परीक्षाफल प्रकाशित गरिएको छ ।
कक्षा–१ देखि १० सम्म मावि तहमा पा“च सयबढी विद्यार्थीहरु अन्यौलमा परेका छन् । २०६८ भदौंदेखि विद्यालयमा तालाबन्दी भएको थियो । छलफल पछि खुलेको ताला पुनः बन्द गरिएको छ । विद्यालयमा तालाबन्दी भएपछि लामो समय सम्म विद्यालयका पठन पाठन समेत प्रभावित भएको थियो । विद्यालयको विवाद बढ्दै जान थालेपछि शिक्षकहरु समेत विद्यालयमा देखापर्न छोडेको जनाईएको छ ।
विद्यार्थी र अभिभावकले विद्यालयको आय व्यय विवरण सार्वजनिक गर्नुपर्ने, शिक्षक नियुक्तिमा पारदर्शिता अपनाउनुपर्ने माग, प्रधानाध्यापक र विव्यसले गरेका गलत निर्णय सच्च्याईनुपर्ने माग राख्दै तालबन्दी गरिएको हो । ३ बर्षदेखि विद्यालयको आय व्यय सार्वजनिक गरिएको छैन् । सोही घटनाका विषयमा जिल्ला तहमा दुवै पक्षले मुद्धा दर्ता गरेका छन् ।
घटनाको वास्तविकता पत्तालगाई समस्या समाधान गर्न जिल्ला शिक्षा कार्यालय सुर्खेतले उपसचिव भक्तबहादुर खड्काको संयोजकत्वमा छानविन समिति गठन गरिएको छ । जिल्ला स्थित शिक्षक, संघ, संगठन, अभिभावक सहितको सहभागितामा बनेको छानविन समितिले एक हप्ता भित्र वास्तविक रिर्पोट बुझाउन निर्देशन दिएको जिल्ला शिक्षा अधिकारी उपाध्यायले जानकारी दिए ।
विद्यालयको सम्पत्तीमा क्षति पु¥याएको भन्दै प्रधानाध्यापक र विव्यस अध्यक्षले विद्यार्थीहरु खडक थापा, रामबहादुर थापा, लालबहादुर थापामगरको नाममा सार्वजनिक मुद्धा दर्ता भएको छ । उनीहरुको नाममा लगाईएको मुद्धा फिर्ता गर्नुपर्ने जनाईएको छ ।
विद्यालयमा प्रवेश गरी छात्राहरुमाथी दुव्र्यवहार गर्नुका साथै छात्रहरुलाई कुटपिट गर्नथालेपछि विद्यालयमा आतंक मच्चिएको थियोे । सोही विद्यालयमा प्राचार्य नरबहादुर वान्तोला र उनका नातेदार पर्न मिनबहादुर वान्तोला, डम्मर वान्तोला, लालबहादुर वान्तोला, नवल वान्तोला, भिष्म वान्तोला, हिरासिं वान्तोला, नगेन्द्रबहादुर वान्तोला, दिपक वान्तोला, आशाराम वान्तोला, रुद्र जैशी, टोपबहादुर वान्तोला, राजेन्द्र वान्तोला, गोपाल वान्तोला, हेमेन्द्र वान्तोला सहितको समूहले अनेरास्ववियुमा आवद्ध विद्यार्थीहरुमाथी आक्रमण गरेको जनाईएको छ ।
उच्च माविका विद्यार्थीहरुमाथी आक्रमण हुन थालेपछि विद्यार्थीहरु सुरक्षाको माग गर्दै सदरमुकाम आएका थिए । नेपाली कांग्रेस निकटका युवाहरुले एकाएक विद्यार्थीमाथी कुटपिट गर्नुका साथै छात्राहरुमाथी दुव्र्यवहार गर्नथालेपछि उनीहरु सुरक्षाको माग गर्दै सदरमुकाम आएका थिए ।
फागुन–२४ गते राती नेपाली कांगे्रस निकटका हर्कहादुर वान्तोला, रमेश बुढा सहितको युवाहरुले छात्रावासमा रहेका छात्राहरुमाथी दुव्र्यवहार गरेका थिए । दुव्र्यवहार गर्नआएका युवाहरुबाट उम्किन सफल छात्राहरुको विषयमा कुरा उठेपछि विद्यार्थी र ती युवाहरुवीचमा विवाद बढेको थियो । छात्राहरुले उक्त घटनाका विषयमा फागुन २५ गते विद्यालय प्रशासनमा निवेदन दर्ता गरेका थिए । निवेदनको वेवास्था गरेपछि विद्यार्थीहरु आक्रोषित बने । आक्रोषित विद्यार्थीले विद्यालयमा समेत तालाबन्दी गरेका थिए ।
प्रहरी प्रशासनलाई घटनाका बारेमा जानकारी गराउंदा समेत प्रहरी प्रशासनले वेवास्ता गरिरहेको घटनाका पीडकलाई पक्राउ गर्नुको साटो उल्टो पीडितहरुलाईनै दुःख दिने काम गरेको सोही घटनाका पीडित विद्यार्थीहरुले विद्यालयमा तालाबन्दी गरेका हुन् ।
लामो समयम सम्म विद्यालय बन्द भएको भन्दै नेपाल राष्ट्रिय शिक्षक संगठनले एक विज्ञप्ति प्रकाशित गरी समस्या समाधान गरी विद्यालयलाई नियमित रुपमा कक्ष्ाँ सूचारु गर्न अनुरोध गरिएको छ । घटनाका दोषिलाई कडा कार्वाहीको समेत माग राखिएको छ ।
No comments:
Post a Comment