पा“च दिने पत्रकारीता तालिम सुरु
हिमा उपाध्याय
सुर्खेत, १६ बैशाख ।
पीछडिएको समुदायका युवाहरुका लागि पा“च दिने पत्रकारीता पुनर्ताजगी तालिम शनिबारदेखि वीरेन्द्रनगरमा सुरु भएको छ । नेपाल पत्रकार महासंघ सुर्खेतको आयोजनामा तालिम संचालन भएको हो । दलित, जनजाति, महिला, अल्पसंख्यक, पीछडिएको समुदायका युवा युवतीहरुको संचार माध्याममा पह“ुच बढाउने उद्देश्यले तालिमको आयोजना गरिएको हो ।
तालिमको उद्घाटन गर्दै स्थानीय विकास अधिकारी हिरालाल रेग्मीले पीछडिएको समुदायका युवाहरु मार्फत उनीहरुका समस्या, आवाज संचार माध्यम सम्म पुग्ने विश्वास लिएको बताए । उनले भने –‘सक्रियतापूर्वक पत्रकारीता पेशा गर्ने हामीले अपेक्षा लिएका छौं ।’ ‘पत्रकारीता मार्फत आफ्नो समदुायको समस्या बाहिर ल्याउ“नुपर्छ ।’ पत्रकारीता तालिम लिएर मात्रै नहुने व्यवसायीक रुपमा मर्यादित पत्रकारिता गर्न समेत स्थानीय विकास अधिकारी रेग्मीले आग्रह गरे ।
उद्घाटन कार्यक्रममा बोल्दै जिल्ला विकास समिति अन्तर्गत महिला जिल्ला समन्वय समितिका उपाध्यक्ष हरिमाया शर्माले संचार माध्यममा महिलाहरुको पहु“च बढाउनुपर्ने बताईन । त्यसैगरी दलित उत्पीडित जिल्ला समन्वय समितिका उपाध्यक्ष ललित परियारले समेत सफलताको शुभकामना व्यक्त गरेका थिए ।
पा“च दिन सम्म चल्ने पत्रकारीता पुनर्ताजगी तालिमको उद्घाटन नेपाल पत्रकार महासंघ शाखा सुर्खेतका अध्यक्ष दुर्गा थापाको सभापतित्व तथा स्थानीय विकास अधिकारी हिरालाल रेग्मीको प्रमुख आतिथ्यतामा सम्पन्न भएको थियो । उद्घाटन कार्यक्रममा पूर्व सभापति मोतिलाल पौडेल, नेपाल प्रेस युनियनका अध्यक्ष नरेस थापा, नेपाल प्रेस चौतारी सुर्खेतका अध्यक्ष्ँ युवराज शर्मा, क्रान्तिकारी पत्रकार संघ सुर्खेतका उपाध्यक्ष धर्मराज गिरी लगायतले बोलेका थिए ।
महासंघ शाखा उपाध्यक्ष गणेशकञ्चन भारतीले स्वागत मन्तव्य राखेको उद्घाटन कार्यक्रमको संचालन महासंघ सुर्खेत सदस्य दिपक बुढाले गरेका थिए ।
No comments:
Post a Comment