म.प. विश्वविद्यालयको काम युद्ध स्तरमा
स्नातक तहको भर्ना साउनमा
आठ सय बढी दरबन्दी माग
६१ करोड बजेट प्रस्ताव
७३ कोठाको केन्द्रीय कार्यालय
पाठ्यक्रम र नियमावली निर्माण जारी
दीपक बुढा÷सुर्खेत
मध्यपश्चिमाञ्चल विश्वविद्यालय सुर्खेतको प्रारम्भिक कामहरु युद्ध स्तरमा चलिरहेका छन् । विश्वविद्यालयको सम्पर्क कार्यालय काठमाण्डौंबाट विश्वविद्यालयको आगार्मी आर्थिक बर्षको लागि बजेट, कर्मचारी दरबन्दी, योजना, कार्यक्रम, पाठ्यक्रम निर्माण, विभिन्न नीति नियमहरु निर्माण गर्ने काम जारी रहेको छ ।
उपकुलपति डा. पदमलाल देवकोटा, रजिष्ट्रार डा. ठगेन्द्रप्रकाश गिरी, डिनद्धय पीताम्बर ढकाल र डा. केशरसिंह राना सहितको टोलीले जिम्मेवारी बा“डफा“ड गरी विश्वविद्यालयको काममा जुटिरहेको छ । सोमबार वीरेन्द्रनगरमा पत्रकार सम्मेलन गरी विश्वविद्यालयका भैरहेका गतिविधिका बारेमा जानकारी गराईएको छ ।
साउन महिनामा भर्ना खुल्ला गर्ने गरी पाठ्यक्रम निर्माण गर्ने काम भैरहेको छ । विश्वविद्यालको पाठयक्रम निर्माणमा तिव्रता दिईएको हो । स्नातक तह को चार बर्षे अध्यापनका लागि पाठ्यक्रम निर्माण गर्न थालिएको हो । इन्जिनेरिङ तर्फका ४ वटा विषयको र सामाजिक विज्ञान तर्फका ७ वटा विषयको पाठ्यक्रम निर्माण कार्य थालिएको छ । दशैं लगत्तै अध्यापन कार्य सुरु गर्ने गरी पाठ्यक्रम निर्माणमा तिव्रता दिईएको हो ।
विश्वविद्यालयको आगामी आर्थिक बर्षको बजेट तथा कार्यक्रम विश्वविद्यालय अनुदान आयोगमा पठाईएको छ । भौतिक पूर्वाधार, जनशक्ति, प्रशानिक खर्च सहित ६१ करोड बजेट तथा कार्यक्रम आयोगमा पेश गरिएको हो । बजेट स्वीकृत भएलगत्तै विश्वविद्यालय भित्रको सेवा आयोगको स्वीकृति लिएर साउन महिनामा खुल्ला विज्ञापन गरी विभिन्न संकायका प्राध्यापक, प्रशासनिक कर्मचारी गरी ८ सय ९ जना दरबन्दी माग गरिने डिन ढकालले जानकारी दिए ।
उनका अनुसार मानविकि तर्फ ७६ जना, विज्ञान तर्फ २७ जना, व्यवस्थापन तर्फ ४४ जना सहित जम्मा आठ सय नौं जना कर्मचारीको दरबन्दी माग गरिएको छ । विश्वविद्यालयलाई चालु आर्थिक बर्षमा २ करोड ७१ लाख बजेट प्राप्त भएको छ । उक्त बजेटबाट पूर्वाधार निर्माण कार्य चालु आर्थिक बर्षभित्र सुरु गर्नेगरी काम भैरहेको छ ।
आगामी आर्थिक बर्षका लागि कुल ६१ करोड बजेट प्रस्ताव गरिएको छ । विश्वविद्यालयका नीति तथा कार्यक्रम, दरबन्दी, बजेट तयार गरी विश्वविद्यालय अनुदान आयोग, अर्थ मन्त्रालयमा पठाई सकिएको डिन ढकालले जानकारी दिए । उनका अनुसार भौतिक पूर्वाधार तर्फ मात्रै ३५ करोड १६ लाख बजेट माग गरिएको छ ।
दुई सय एक कोठाको १६ वटा विभिन्न शैक्षिक भवनहरु निर्माण गर्ने गरी उक्त बजेट प्रस्ताव गरिएको हो । विश्वविद्यालयको केन्द्रीय कार्यालय ७३ कोठाको हुने डिन ढकालले जानकारी दिए । भौतिक योजना तथा निर्माण डिभिजन कार्यालयका इन्जिनियर, प्राविधिकहरुले विश्वविद्यालयको भौतिक पूर्वाधार निर्माण लागत स्टीमेट तयार पारेका थिए । विश्वविद्यालयको शैक्षिक प्रशासनिक नियमावली, आर्थिक नियमावली, कर्मचारी नियमावली तयार गर्ने काम भैरहेको समेत जनाईएको छ ।
काठमाडौं उपत्यकामा मात्रै सिमित रहेका प्राविधिक विषयको पठन पाठन पहिलो पटक सुर्खेतमा संचालन गर्ने तयारी भएको छ । त्रिभुवन विश्वविद्यालयले लागु गरेका पाठ्यक्रमलाई परिमार्जित गरी मध्यपश्चिमाञ्चल विश्वविद्यालयमा लागु गर्ने तयारी भैरहेको छ ।
विभिन्न १० वटा विषयको पाठ्यक्रम निर्माणका लागि त्रिभुवन विश्वविद्यालयका सम्बन्धित विभागलाई जिम्मेवारी दिईएको मध्यपश्चिमाञ्चल विश्वविद्यालयका डिन पीताम्बर ढकालले जानकारी दिए । उनले भने–‘हामी पाठ्यक्रम निर्माणमा जुटेका छौं । दशैं लगत्तै नया“ भर्ना लिएर पठन पाठन कार्य सुरु गर्नेछौं ।’
विश्वविद्यालयले इन्जिनेरिङ तर्फका चार बर्षे विई सिविल, विएससी आईटी, विआईन विषयको पाठ्यक्रम निर्माण कार्य भैरहेको छ । त्यसैगरी सामाजिक विज्ञान तर्फका चार बर्षे ७ वटा विषयहरुको पाठ्यक्रम निर्माण भैरहेको छ । सामाजिक विज्ञान अन्तरगत सामाजिक कार्य, द्वन्द्व, शान्ति र विकास, अन्तर्राष्ट्रिय सम्बन्ध र कुटनिती, अन्तर्राष्ट्रिय सहयोग र विकास विषयको पाठ्यक्रम निर्माण कार्य भैरहेको छ । पाठ्यक्रम निर्माण कार्य २०६९ बैशाख महिनाभित्र पुरा गर्नेगरी लागिएको छ ।
इन्जिनेरिङ विषयको १४० देखि १६० घण्टाको र सामाजिक विज्ञान तर्फका विषयहरुको १२० घण्टा सम्मको पाठ्यक्रम निर्माण गरिने डिन डा. केशरसिंह रानाले जानकारी दिए । विभिन्न १० वटा विषयका भर्ना लागि जिल्ला जिल्लाबाट आवेदन फारम भर्ने व्यवस्था गरिने भएको छ । पाठ्यक्रम र परीक्षा अन्य विश्वविद्यालय भन्दा फरक हुने समेत जनाईएको छ । ६० पूर्णाङ्क प्रयोगात्मक र बा“की ४० पूर्णाङ्क लिखित परीक्षा मार्फत विद्यार्थीले शैक्षिक उपलब्ध हा“सिल गर्ने व्यवस्था गरिएको बताईएको छ ।
मध्यपश्चिम विश्वविद्यालयका सल्लाहकार महेन्द्रप्रसाद गिरीले मध्यपश्चिमाञ्चल विकास क्षेत्रका १५ जिल्लामानै एक एक वटा आंगिक क्याम्पस संचालनमा ल्याउने जानकारी दिए । विज्ञान र प्रविधि क्षेत्रको बृद्धि विकासका लागि विश्वविद्यालयले महत्वपूर्ण भूमिका निर्वाह गर्ने बताए । सुर्खेतका तीन वटा क्याम्पसलाई समायोजन गर्ने सम्बन्धमा प्रक्रिया बढी रहेको समेत जनाईएको छ ।
No comments:
Post a Comment