ऋषिको स्मृतिमा रक्तदान
हिमा उपाध्याय
सुर्खेत, २३ चैत
स्वर्गीय नेता तथा नेकपा एमालेका तत्कालिन अञ्चल कमिटीका सदस्य ऋषिप्रसाद शर्माको चौथौं स्मृति दिवसको अवसरमा बिहीबार रक्तदान कार्यक्रम सम्पन्न भएको छ । शर्माको स्मृतिमा सप्ताहव्यापी कार्यक्रमहरु गर्ने क्रममा पहिलो दिन बिहीबार युवा संघ नेपाल सुर्खेतको आयोजनामा रक्तदान कार्यक्रम वीरेन्द्रनगरमा सम्पन्न गरिएको हो ।
कार्यक्रममा पार्टीका विभिन्न भातृ संगठनका १९ जनाले रक्तदान गरेका थिए । रक्तदान गर्नेहरुमा नेकपा एमाले राष्ट्रिय प्रतिनीधि परिषद सदस्य नन्दा चपाई, जिल्ला सचिव गगनसिंह सुनार, जिल्ला कमिटी सदस्यहरु डण्डी शर्मा, खगेन्द्र थापा, तेजविक्रम बस्नेत, युवा संघका केन्द्रिय सदस्य टीकाराम शर्मा, अनेरास्ववियुका केन्द्रिय सदस्य एवंम स्ववियु सभापति कमल सिजापती, मञ्जु रिमाल लगायत रहेका छन् ।
त्यस्तै किसान महासंघका अध्यक्ष विनोद गिरी, प्रेस चौतारी सुर्खेतका अध्यक्ष्ँ युवराज शर्मा, साथै विद्यार्थी नेता डम्बर गरङ्जामगर, खिम रेग्मी, खिमलाल देवकोटा, चक्र घर्ती, लक्ष्मण पोखरेल, टोपबहादुर अधिकारी, युद्धराज शर्मा, श्रीपाल सारु, हेमन्त कंंडेलले कार्यक्रममा रक्तदान गरेका थिए ।
कार्यमक्रममा बोल्दै प्रमुख अतिथी एमाले जिल्ला कमिटी सुर्खेतका अध्यक्ष नवराज रावतले ऋषिको हत्याले उहा“को बिचार नमर्ने भन्दै बरु यसले शक्तिशालि बन्दै गएको बताए । उनले ऋषिको हत्या अज्ञात व्यक्तिद्धारा नभई जान्ने मान्ने व्यक्तिहरुबाटै भएको दावि गरे । साथै कानुन बलियो भए पनि जनता वलियो भएको दिन दोषिहरुले दण्ड भोग्नुपर्ने अनिवार्य हुने बताए ।
कार्यक्रममा स्वर्गीय ऋषि शर्माका पिता लिलाराम शर्माले हत्याराहरुले सजाय पाएको हेर्न आफु बा“चिरहेको बताए । युवा संघ सुर्खेतका अध्यक्ष प्रकाश सारुको सभापतित्मा सम्पन्न कार्यक्रममा ऋषि स्मृति प्रतिष्ठानका अध्यक्ष डण्डीप्रसाद शर्मा, नेपाल पत्रकार महासंघका केन्द्रिय सदस्य तथा मध्यपश्चिम संयोजक सूर्यमणी गौतम, यवा संघका केन्द्रिय सदस्य टिकाराम शर्मा लगायतले स्वर्गीय ऋषिको योगदानका बारेमा चर्चा गरेका थिए ।
No comments:
Post a Comment