खुल्ला दिसामुक्त घोषणाको लहर, गुटु ११ औं स्थानमा
हिमा उपाध्याय, सुर्खेत
जिल्लामा सरसफाई अभियान संचालन भैरहेको छ । जिल्लालाई सन २०१५ भित्र खुल्ला दिसामुक्त घोषणा गर्ने योजना अनुरुप विभिन्न गाविसहरुमा सरसफाई अभियान संचालन भएको हो । घर घरमा चर्पी निर्माण गर्ने अभिप्रेरित गर्ने उद्देश्यले खुल्ला दिसामुक्त घोषणाको लहर समेत चलेको छ ।
सन २०१० देखि जिल्लामा सरसफाई अभियान संचालन भएको हो । दुई बर्षको अवधिमा ११ वटा गाविसलाईनै खुल्ला दिसामुक्त घोषणा गरिएको छ । जिल्लामा सरसफाई अभियान थालिएपछि स्थानीयबासी सचेत भएका छन् । घर घरमा चर्पी निर्माण गर्न थालिएको छ ।
सुर्खेतका सालकोट, बावियाचौर, दशरथपुर, लेखफर्सा, दहचौर, गुमी, गर्पन, नेटा लगायतका गाविसलाई यस अघि खुल्ला दिसामुक्त घोषणा गरिसकिएको छ । गाविसका प्रत्येक घरमा चर्पी निर्माण भएको हु“दा खुल्ला ठाउ“मा दिसा पिसाव नगर्ने र गरेको पाईएमा सामाजिक कार्वाहि गर्ने भन्दै घोषणा गरिएको हो ।
सोमबार एक कार्यक्रमवीच पश्चिम गुठु गाविसलाई पनि खुल्ला दिसामुक्त घोषणा गरिएको छ । गुठु खुल्ला दिसामुक्त घोषणा गरिएका गाविस मध्य ११ औं परेको छ । गाविस स्तरीय खानेपानी तथा सरसफाई समन्वय समितिको अगुवाईमा गाविसलाई खुल्ला दिसामुक्त घोषणा गरिएको हो । आयोजित कार्यक्रममा गाविस सचिव शरण वडुवालले उपस्थित स्थानीयबासीन्दालाई खुल्ला ठाउ“मा दिसापिसाव नगर्ने र त्यसो पाईएमा गाविसबाट दिईने सेवा सुविधाबाट बञ्चित गराईने बताए ।
गाविसमा सरसफाई परिचय पत्र लागुगर्ने, स्वास्थ्य चौकीमा विरामी पुर्जिमा सरसफाई सूचक राख्ने, चर्पी नभएको घरमा ऋण रोक्का, चर्पी नभएमा शेयर सदस्य हुन नपाईने, विद्यार्थी भर्ना, छावृत्ति र नतिजा प्रकाशन गर्दा सरसफाई परिचय–पत्र अनिवार्य गर्ने योजना रहेको गाविस सचिव बडुवालले बताए ।
घोषणा सभामा स्थानीय विकास अधिकारी हिरालाल रेग्मीले जिल्लामानै सरसफाई अभियान संचालन नमूनाको रुपमा भएको बताए । गाविसलाई खुल्ला दिसामुक्त घोषणा गर्न जिल्ला स्थित राजनीतिक दल, राजनीतिक दलका प्रमुख तथा प्रतिनीधिहरु घोषणा सभामा उपस्थित भएका थिए ।
गुठु गाविसमा १५ सय ३४ घरधुरी र ८ हजार १ सय ५४ जनसंख्या रहेको जनाईएको छ । गुठुमा एक हजार ५ सय ३४ मध्ये १२ सय ८७ लाई पक्की चर्पी निर्माण, कच्चा चर्पी प्रयोग गर्ने ५१ घरधुरी संख्या रहेको जनाईएको छ । त्यसैगरी साझेदारी चर्पी प्रयोग गर्ने ५४, वस्ती नभएको घर १ सय ४२ रहेको ।
त्यसैगरी जिल्लामा खुल्ला दिसामुक्त घोषणा गर्नेमा विद्यापुर १० औं स्थानमा परेको छ । सुन्दर नेपाल संस्था सुर्खेतको सहजिकरणमा गाविसलाई खुल्ला दिसामुक्त घोषणा यस अघि गरिएको थियो । १३ सय ५० घरधुरी रहेको विद्यापुर गाविसका सबै घरपरिवारले घर घरमा पक्र्की चर्पी निर्माण गरेको गाविस सचिव चित्रबहादुर जि.सी.ले जानकारी दिए । घोषणा पछि पनि खुल्ला ठाउ“मा दिसा पिसाब गर्ने व्यक्तिलाई गाविसले प्रदान गर्ने सेवा सुविधाबाट बञ्चित गराईने उनले बताए ।
No comments:
Post a Comment