सबैको साझा बनाउन सुझाव
हिमा उपाध्याय
सुर्खेत, १९ चैत
पत्रिकालाई सबैको साझा बनाउ“दै सबै क्षेत्रलाई समेटि अगाडी बढ्न एक कार्यक्रमका सहभागिहरुले सुझाव दिएका छन् । युग आव्हान दैनिक सुर्खेतले आइतबार वीरेन्द्रनगरमा आयोजना गरेको एक अन्तरक्रिया कार्यक्रमका सहभागिले उक्त सुझाव दिएका हुन् । पत्रिकाले व्यवसायीक रुपमा फड्को मार्दै गएकाले यसलाई अझ सुधार गर्दै कृषि, सहकारी, शिक्षा, स्वास्थ्य, रोजगारी, सूचना प्रविधि जस्ता सबै क्षेत्रलाई समेटनुपर्ने अन्तरक्रियाका सहभागिले सुझाव दिएका छन् ।
सेडा सुर्खेतका संचालक महेन्द्रप्रसाद गिरीले निस्पक्ष, तटस्थ रुपमा पत्रिकाले विषयवस्तु, समाचार, विचारको उठान गर्नुपर्ने बताए । स्वास्थ्य सम्बन्धिको स्तम्भ पत्रिकामा राख्नुपर्ने समेत उनले सुझाव दिएका छन् । ‘पत्रिका पठनिय हुनुपर्छ, ज्ञानबद्र्धक हुनुपर्छ, सूचनामूलक हुनुपर्छ, अनिमात्रै यसले लोकप्रियता हांसिल गर्न सक्छ’ उनले भने–‘पत्रिकामा सबै क्षेत्रलाई समेटन नया“ नया“ नियमित स्तम्भहरु राखिनुपर्छ ।’
राष्ट्रिय सहकारी बैंकका संचालक समिति सदस्य हरिहरनाथ योगीले पत्रिकाहरु विज्ञापन मुखी भैरहेकाले पत्रिकामा विज्ञापन, समाचार, सूचनालाई सन्तुलन मिलाएर प्रकाशन गर्नुपर्ने बताए । सुर्खेतमा विश्वविद्यालय, सभागृह निर्माण, सिमेन्ट उद्योग, भेरी–बबई ड्राइभर्सन चर्चाका विषय भएकाले यसमा पत्रिकाले नियमित रुपमा कलम चलाई राख्नुपर्ने सुझाव दिए ।
अन्तरक्रिया कार्यक्रममा नीजि तथा आवासीय विद्यालय एसोशियसन (प्याव्सन) का केन्द्रीय सदस्य नवराज गुरुङ, प्याव्सन सुर्खेतका अध्यक्ष नैनसिंह खत्री, जिल्ला सहकारी संघ सुर्खेतका अध्यक्ष अमृत वि.सी, सुर्खेत उद्योग वाणिज्य संघका अध्यक्ष विष्णुबहादुर शाही, हिमाली वचत तथा ऋण सहकारी संस्थाका अध्यक्ष विरबहादुर रावतले पत्रिकामा सबै क्षेत्रलाई महत्वपूर्ण स्थान दिनुपर्ने सुझाव राखेका थिए ।
अन्तरक्रिया कार्यक्रममा आवाज संस्थाका पवित्रा शाही, मोहनमाया ढकाल, टेकेन्द्र वस्नेत, शिवप्रसाद उपाध्याय, लक्ष्मी शर्मा, हेमप्रकाश भुसाल, सिताराम पौडेल लगायतले पत्रिकाको गुणस्तर, व्यवसायीकताका लागि सुझाव सहित सक्दो सहयोग गर्ने प्रतिवद्धता जनाएका थिए । सम्पादक युवराज शर्माको सभापतित्वमा सम्पन्न अन्तरक्रियाको सहजिकरण कार्यकारी सम्पादक दिपक बुढाले गरेका थिए ।
अन्तरक्रिया कार्यक्रमका सहभागिहरुले दिएका सुझाव अनुसार पत्रिकालाई आगामी दिनमा अंझ स्तरीय बनाउ“दै व्यवसायीक पत्रकारीता तर्फ केन्द्रीत गर्न हप्तामा विभिन्न स्तम्भहरु थप गर्ने जनाईएको छ । लोकसेवा विशेष, अन्तरवार्ता, शनिबारीय र मध्य युग स्तम्भ नियमित प्रकाशित हुदै आएका छन् । व्यक्तित्व चर्चा र संस्था चर्चा स्तम्भ थपिने छ ।
No comments:
Post a Comment