लोडसेडिङको कारण देखाउ आदेश
हिमा उपाध्याय
सुर्खेत, १३ बैशाख ।
सुर्खेत र आसपासका क्षेत्रमा दिनहु“जसो अनियमित रुपमा हुने आन्तरिक लोडसेडिङ रोक्न पुनरावेदन अदालत सुर्खेतले विद्युत प्राधिकरणका नाममा अन्तरिम आदेश दिएको छ । अधिवक्ता लोकबहादुर ढकालले दिएको रिट उपर न्यायाधीश रत्नबहादुर बाग्चन्दको एकल इजलाशले आन्तरिक लोडसेडिङ गर्नुको कारण देखाउन भनि आदेश दिएको हो । लोडसेडिङको राष्ट्रिय तालिका बाहेकपनि बारम्बार हुने आन्तरिक पटके लोडसेडिङले उपभोक्ता मर्कामा परेको भन्दै अधिवक्ता ढकालले पुरावेदन अदालतमा रिट निवेदन दिएका थिए ।
गत वैशाख–३ गतेदेखि यता दिनहु“जसो १० देखि १५ पटक अनियमित रुपमा बत्ति जाने र लोडसेडिङको निर्धारित समयभन्दा बढि बत्ति काट्ने गरिएको रिट निवेदनमा उल्लेख रहेको छ । विद्युत ऐन २०४९ र विद्युत नियमावली २०५० अनुसार उपभोक्तालाई पहिले जानकारीनै नदिई कुनैपनि बहानामा बत्ति काट्न वा अवरोध गर्न नमिल्ने स्पष्ट उल्लेख गरिएको छ ।
उपकरण ममर्त, बाढीपहिरो, आगलागी, भूईंचालो लगायतका प्राकृतिक प्रकोप र बन्द हडताल नभएको अवस्थामा बत्ति काट्नुअघि सार्वजनिक सूचना जारी गर्नुपर्ने नियम रहेको छ । तरपनि विद्युत प्राधिकरण सुर्खेतले राष्ट्रिय तालिकाको लोडसेडिङ बाहेकपनि पटक पटक रुपमा आन्तरिक लोडसेडिङ र झ्याप्प झ्याप्प बत्ति काट्ने गरेको स्थानीय उपभोक्ता गुनासो रहेको छ ।
विद्युत सेवा अवरुद्ध गर्नुअघि सार्वनिक सूचना समेत जारी नगर्ने प्राधिकरणले बत्ति गईसकेपछि पनि वास्तविक जानकारी नदिने गरेको उपभोक्ताहरुको आरोप रहेको छ । यता पुराना उपकरण र प्रशारण लाईनले भार थेग्न नसक्ने भएकाले बत्ति जाने गरेको बताउने प्राधिकरणले कहिले कोहलपुर र कहिले अत्तरियाबाटै बत्ति जाने गरेको बताउ“दै आएको छ । घुस्रा नजिकैको सवस्टेशनमा बढी क्षमताको ट्रान्सफर्म जोडेपछि गत चैत १५ गतेदेखि आन्तरिक लोडसेडिङ नहुने दाबी गरिएपनि पछिल्लो दिनमा लोडसेडिङ झनै बढेको छ । अहिले सुर्खेत लगायत आसपासका क्षेत्रमा स्थानीय र राष्ट्रिय गरी दिनहु“ ८ देखि १० घण्टा र हप्तामा ६२ घण्टासम्म लोडसेडिङसम्म हुने गरेको छ ।
यसैबिच बुधबार सुर्खेतमा दिनभर बिद्युत आपूर्ति बन्द भएको छ । रत्नराजमार्ग अन्र्तगत सुर्खेत नेपालगञ्ज सडक खण्डमा रहेका बत्तिको पोल र प्रशारण लाईन छेउछाउका हांगा बेंगा हटाउन सुरु गरेकाले बिहान १० बजेदेखि कटौती गरिएको जनाईएको छ ।
यता कुनै पनि जानकानरीनै नगराई नेपाल विद्युत प्राधिकरण शाखा सुर्खेतले मंगलबारदेखि लागु हुनेगरी सातामा ६३ घण्टा लोडसेडिङ पु¥याएको छ । भारतको टनकपुरबाट आउने विद्युत थप नभएको र उपभोक्ताहरु बढ्दै गएकाले लोडसेडिङ् थप गर्नुपरेको प्राधिकरणले जानकारी दिएको छ ।
कुनैपनि जानकारीनै नगराई प्राधिकरणले एकाएक विद्युत लाईन काटेपछि स्थानीय उपभोक्ता आक्रोशित बनेका थिए । सोमबार आठ घण्टा, मंगलबार ९ घण्टा, बुधबार र विहिबार आठ घण्टा तथा शुक्रबार र शनिबार ११÷११ घण्टा लोडसेडिङ हुने जनाइएको छ ।
२३ वर्षअघि तत्कालीन राजा वीरेन्द्र शाह सुर्खेत आउ“दा रत्न राजमार्गसंगै हतार हतारमा ३३ केभी क्षमताको कोहलपुर–सुर्खेत विद्युत प्रसारण लाईन विस्तार गरीएको थियो । कोहलपुर–सुर्खेत ३३ केभी प्रसारण लाईनबाट सुर्खेतको वीरेन्द्रनगर नगरपालीकासहित जिल्लाका अन्य १९ गाउ“ विकास समितिका करिब २१ हजारभन्दा बढी र छिमेकी दैलेख जिल्लाको नारायण नगरपालीका २ हजार बढी जनताले विधुत प्रयोग गर्दै आइरहेका छन् ।
बा“केको कोहलपुरदेखि सुर्खेतसम्म करिब ५० किलोमिटरमा टावर पोल निर्माण गरी कोहलपुर–सुर्खेत हाइटेन्सन लाईन निर्माण गरीएपछि सुर्खेतका साथै छिमेकी जिल्लाहरु दैलेख, सल्यान, जाजरकोट कालिकोट, जुम्ला, डोल्पा र अछाम लगायतका पहाडी जिल्लामा विधुत सेवा विस्तार गर्न सहयोग पुग्ने जनाइएको छ । कोहलपुरदेखि ५० किलोमिटर लाईनमा टावर पोल निर्माण गर्न र वीरेन्द्रनगरमा सवस्टेशन निर्माण गर्न ७६ करोड रुपैया“ खर्च लाग्ने अनुमान गरिएको छ ।
No comments:
Post a Comment