उद्योग वाणिज्य संघ निर्वाचन
व्यवसायीमा चुनावि रौनक सुरु
सुर्खेत, ३ बैशाख ।
सुर्खेत उद्योग वाणिज्य संघको कार्यसमितिका लागि चुनावी रौनक सुरु भएको छ । सुर्खेत उद्योग वाणिज्य संघमा उत्पन्न विवाद समाधन भएको छ । व्यावसायीहरुको नया“ नेतृत्वका लागि निर्वाचन हुने पक्का भएपछि चुनावि रौकन सुरु भएको हो ।
जिल्ला प्रशासनमा भएको छलफलपछि बैशाख १८ गतेसम्म सदस्यता नविकरण गर्ने र बैशाख २५ गते निर्वाचन गर्ने सहमति भएको थियो । दुई महिनापछि आईतबार बसेको वाणिज्य संघको कार्यसमिति बैठकले जिल्ला प्रशासन कार्यालयमा गरिएको चार बु“द्धे सहमतिलाई अनुमोदन गरेको छ ।
२०६८ फागुन ६ गते भएको विवादको विषयमा कार्यसमितिको पूर्ण बैठकमा अध्यक्ष र महासचिवले आत्मा आलोचना गर्ने, सुर्खेत उद्योग वाणिज्य संघको नया“ कार्यसमितिका लागि निर्वाचन २०६९ बैशाख २५ गते गर्ने, निर्वाचनका लागि सदस्यता नविकरण बैशाख १८ गते भित्र गर्ने र फागुन ६ गतेपछि अध्यक्ष र महासचिव दुवै पक्षले गरेका निर्णय कार्यान्वयन नगर्ने सहमति भएको थियो ।
यस पटकको निर्वाचनमा दुई हजार दुई सयबढी व्यवसायीहरुले निर्वाचनमा सहभागिता जनाउने भएका छन् । सुर्खेत उद्योग वाणिज्य संघको निर्वाचन भए लगत्तै उपशाखाको समेत निर्वाचन हुनेछ । पूर्वमा छिन्चु र पश्चिममा विद्यापुरमा उद्योग वाणिज्य संघको उपशाखा रहेका छन् ।
यस पटकको निर्वाचनमा दुई वटा प्यानल निर्वाचनमा सहभागि हुने अनुमान गरिएको छ । प्रजातान्त्रिक समूह र वामपन्थीहरुको प्रगतिशील समूह नया“ नेतृत्वका लागि निर्वाचनमा सहभागि हुने संकेतहरु देखिएका छन् । निर्वाचनका विषयमा २०६८ फागुन ६ गतेको वाणिज्य संघको नियमित बैठकबाट विवाद उत्पन्न भएको थियो । अध्यक्ष विष्णुबहादुर शाही र महासचिव पदमबहादुर शाहीकावीचमा लामो समयदेखि दोहोरी चल्यो अब भने दुई पक्षको छुट्टा छुट्टै चुनावी प्यानलहरु देखिने भएका छन् ।
जिल्ला प्रशासन कार्यालय सुर्खेतको रोहबरमा शनिबार संघको विवाद चार घण्टाको छलफल पछि चार बु“दे सहमतिमा विवाद टुङ्गिएको थियो । प्रशाकिय अधिकृत बुद्धिप्रसाद सापकोटा, जिल्ला प्रहरीका प्रतिनीधि प्रहरी नायव उपरीक्षक, उद्योग वाणिज्य संघका सल्लाहकार टेकबहादुर भण्डारी सहित विवादित पक्षकावीचमा छलफल भएको थियो ।
दिउ“सो ३ बजेदेखि चलेको बहुपक्षिय छलफल सा“झ ७ बजे मात्रै टुङ्गिएको थियो । विवाद पछि उत्पन्न जटिलताका विषयमा दुवै पक्ष गम्भिर भएका थिए । सा“झ ७ः१५ बजे चार बु“द्धे सहमतिमा हस्ताक्षर गर्दै दुवै पक्ष जिल्ला प्रशासनबाट बाहिरीएका थिए ।
महासचिव पक्षले द्धितीय उपाध्यक्षको अध्यक्षतामा बसेको बैठकले गरेको निर्णय कार्यान्वयन गर्ने र अर्को अध्यक्ष पक्षहरुले महासचिवको गल्ती नसच्चिए सम्म कुनै पनि निर्णय नमान्ने भन्दै अडान लिएका थिए । महासचिव सहितको समूहले कार्यसमितिको बहुमत सदस्यको निर्णय भन्दै चैत्र ३० गते सम्म सदस्यता नविकरण र बैशाख १२ गते सुर्खेत उद्योग वाणिज्य संघको निर्वाचन मिति तोकेको थियो । सोही निर्णय पछि जिल्ला स्थित राजनीतिक दलहरुले निर्वाचनका विषयमा मुख खोलेका थिए । एकीकृत नेकपा माओवादी र नेकपा एमाले सुर्खेतले एक भएर चुनाव सहमतिमा गर्नुपर्ने अडान राख्दै आएका थिए ।
No comments:
Post a Comment