राष्ट्रिय चलचित्र महोत्सव सुरु
सिम्पल सिम्पलमा रेखा र जीवन नाचेपछि...
सिम्पल सिम्पल कान्छिको, डिम्पल गर्ने गाला
मन प¥यो, मन प¥यो मलाई मन प¥यो........
दीपक बुढा
गित गायक दीपक लिम्बु र गायिका माण्डवि त्रिपाठीले गाउ“दा चारै तिरबाट हुटिंङ सुरु भयो । बैशाखको गर्मी भएपनि दर्शकहरुले गर्मीको वास्तै नगरी मञ्चनै गुञ्जायमान हुने गरी हुटिङ गरे । तालिको गडगडाट र वा....वा को स्वरमा आवाजहरु सुनिए ।
युवा पुस्ताको मन छुने त्यो गित गुञ्जी रहेकै बेला केहि बेरमै मञ्चमा सोही गितमा अभियन गरेका चर्चित नायिका रेखा थापा र नायक जिवन लुईटेल मञ्चमा देखा परे अनि दर्शकको तालि र हुटिंङको ओईरो लाग्यो । दृश्य हो शुक्रबारदेखि वीरेन्द्रनगरमा सुरु भएको राष्ट्रिय चलचित्र महोत्सवको । फिल्मी पर्दा र गीति भिडियोमा देखिने यी कलाकारहरुलाई दर्शकले प्रत्यक्ष देख्न मात्र पाएनन उनीहरुले कलाकारको कला समेत देखे । अनि मनलागेजति उर्फिए, कराए, हुटिंङ गरे ।
लेखक, निर्देशक निर शाह, फिल्मकर्मी भुवन चन्द, नायक भुवन केसी, जिवन लुईटेल, राजबल्लभ कोइराला, द्वन्द्व निर्देशक राजेन्द्र खड्की, संगितकार सम्बोजित बास्कोटा, नायिकाहरु करिस्मा मानन्धर, रेखा थापा, कल्पना शाही, सुमिना घिमिरे, निता ढुंगाना, गायक दिपक लिम्बु, गायिका माण्डबि त्रिपाठी, जुना प्रसाई सहित दर्जनौ कलाकारहरु शुक्रबार एउटै मञ्चमा देखा परेका थिए ।
राष्ट्रिय चलचित्र महोत्सवकै अवसरमा राष्ट्रिय स्तरका चर्चित फिल्मी कालकारहरु सुर्खेतमा जमघट भएका हुन् । शुक्रबार देखि तीन दिन सम्म चल्ने महोत्सवको शुक्रबार एक कार्यक्रमवीच उद्घाटन गरिएको छ । पर्यटन तथा नागरिक उड्यान मन्त्री लोकेन्द्र विष्ट र शान्ति तथा पुनःनिर्माण मन्त्री सत्या पहाडीले संयुक्त रुपमा महोत्सवको उद्घाटन गरेका थिए । महोत्सवको उद्घाटन कार्यक्रम मनोरञ्जनमै वितेको थियो । गितहरु गुञ्जी रह“दा नायक, नायिक मञ्चमा आएर नाचिहाल्थे ।
राष्ट्रिय स्तरका चर्चित कलाकारहरु भुवन के.सी., करिस्मा मानन्धर, रेखा थापा, जिवन लुईटेल नै महोत्सवको मुख्य आक्रर्षण बनेका थिए । उनीहरु उठेर नाच्ने वित्तिकै दर्शकको हुटिंङ सुरु भैहाल्थ्यो । हर्के हल्दारको प्रस्तुतिले समेत दर्शकलाई खुबै ह“सायो । कलाकार विष्णु सापकोटा र रमेश अधिकारीले व्यङ्ग्यात्मक प्रस्तुति गरेका थिए ।
तीन दिन सम्म संचालन हुने महोत्सवमा राष्ट्रिय स्तरका ७० भन्दाबढी कलाकारहरुको सुर्खेतमा जम्घट हुने भएका छन् । केहि कलाकारहरु आज(शनिबार) सुर्खेतमा आउने कार्यक्रम रहेको जनाईएको छ । राजधानी बाहिर पहिलो पटक सुर्खेतमा राष्ट्रिय चलचित्र महोत्सव भएको हो । चलचित्र महोत्सवकै अवसरमा सुर्खेतका अग्रज ५ जना कलाकर्मीहरुलाई सम्मान गरिएको छ ।
कलाकारीताको माध्यमबाट सुर्खेतलाई बाह्रय जिल्ला तथा अन्तर्राष्ट्रिय स्तरमै परिचित गराउन सफल भएको भन्दै प्रेमदेव गिरी, गंगा केसी, गणेशभक्त गौतम, कुलमान नेपाली, दानसिं नेपाली गरी ५ जनालाई सम्मान पत्र मार्फत सम्मान गरिएको थियो ।
महोत्सव आयोजक मूल समितिका संयोजक तथा चलचित्र बोर्डका अध्यक्ष गणेशबहादुर भण्डारीले यस क्षेत्रको स्थानीय प्रतिभा, कला संस्कृति, फिल्म सुटिङ स्थलहरुको बारेमा प्रचार प्रसार गर्नका लागि महोत्सव आयोजना गरिएको बताए ।
‘चलचित्रका गतिविधिलाई विकेन्द्रीकृत गर्दै, स्थानीय बजारको समेत खोजी हुनेछ । दर्शक र कलाकारहरुवीचमा प्रत्यक्ष सम्वाद, स्थानीय प्रतिभाको उजागर गर्नुनै महोत्सवको मूल उद्देश्य रहको छ’ संयोजक भण्डारीले बताए । चलचित्र निर्माण, भिडियो फिल्म निर्माण सम्बन्धी चार दिने कार्यशाला संचालन गरिको छ ।
चलचित्रकर्मी निर शाहले कार्यशालालाई संचालन गर्ने जनाईएको छ । दोस्रो र तेस्रो दिन छनोट गरिएका ६ वटा चलचित्रहरुको प्रदर्शन गरिने आयोजकले जानकारी दिएको छ । प्रदर्शन गरिने चलचित्रहरु हेर्नका लागि विशेष र सामान्य पासको व्यवस्था गरिएको छ । विशिष्ट व्यक्तिलाई विशेष पासको व्यवस्था गरिने भएको छ । तेस्रो दिन पर्यटकिय करिडोर विकासका लागि राष्ट्रिय स्तरका कलाकारहरुलाई सुर्खेतको गढी, देउती वज्यै, बुलबुले ताल, का“क्रेविहारको भ्रमण गराईने महोत्सव उपसमितिका निर्देशक गोविन्द कोइरालाले जानकारी दिए ।
No comments:
Post a Comment