Hamro Khoj Online

सुर्खेत उद्योग वाणिज्य संघको विवाद टुङ्गियो

चार घण्टामा चार ब“द्धे सहमति

दीपक बुढा सुर्खेत

सुर्खेत उद्योग वाणिज्य संघमा उत्पन्न विवाद टुङ्गिएको छ । २०६८ फागुन ६ गतेको वाणिज्य संघको नियमित बैठकबाट विवाद उत्पन्न भएको थियो । अध्यक्ष विष्णुबहादुर शाही र महासचिव पदमबहादुर शाहीकावीचमा लामो समयदेखि दोहोरी चलेको थियो । 

जिल्ला प्रशासन कार्यालय सुर्खेतको रोहबरमा शनिबार संघको विवाद चार घण्टाको छलफल पछि चार बु“दे सहमतिमा टुङ्गिएको छ । प्रशाकिय अधिकृत बुद्धिप्रसाद सापकोटा, जिल्ला प्रहरीका प्रतिनीधि प्रहरी नायव उपरीक्षक, उद्योग वाणिज्य संघका सल्लाहकार टेकबहादुर भण्डारी सहित विवादित पक्षकावीचमा छलफल भएको थियो ।

दिउ“सो ३ बजेदेखि चलेको बहुपक्षिय छलफल सा“झ ७ बजे मात्रै टुङ्गिएको थियो । विवाद पछि उत्पन्न जटिलताका विषयमा दुवै पक्ष गम्भिर भएका थिए । सा“झ ७ः१५ बजे चार बु“द्धे सहमतिमा हस्ताक्षर गर्दै दुवै पक्ष जिल्ला प्रशासनबाट बाहिरीएका थिए ।

२०६८ फागुन ६ गते भएको विवादको विषयमा कार्यसमितिको पूर्ण बैठकमा अध्यक्ष र महासचिवले आत्मा आलोचना गर्ने, सुर्खेत उद्योग वाणिज्य संघको नया“ कार्यसमितिका लागि निर्वाचन २०६९ बैशाख २५ गते गर्ने, निर्वाचनका लागि सदस्यता नविकरण बैशाख १८ गते भित्र गर्ने र  फागुन ६ गतेपछि अध्यक्ष र महासचिव दुवै पक्षले गरेका निर्णय कार्यान्वयन नगर्ने सहमति भएको छ । जिल्ला प्रशासनको रोहवरमा गरिएका चार बु“द्धे सहमतिलाई आईतबार बस्ने संघको कार्यसमिति बैठकले अनुमोदन गर्ने समेत निर्णय गरिएको छ ।

वाणिज्य संघका अध्यक्ष विष्णुबहादुर शाहीले पहिलेनै यसरी सहमितको प्रयास थालिएको बताए । उनले भने ‘गल्ती गरेपछि त्यसलाई सच्च्याउने प्रयास गर्नुपर्छ ।’ ‘पहिले पनि हामीले दुवै पक्षले गरेका गल्तीको समिक्षा गरी सहमति गरौं भनेका थियौं तर अर्को पक्ष आफ्नै अडानमा थियो, अहिले प्रशासनकै सहयोगमा सहमति गर्नुप¥यो ।’

जिल्ला प्रशासन कार्यालय सुर्खेतले यस अघि पनि दुई पटक सम्म दुवै पक्षलाई बोलाएर छलफल गराएको थियो । महासचिवले माईन्युट उपलब्ध गराउने र अध्यक्षले कार्यसमितिको बैठक बोलाई विवादको विषयमा छलफल गराउन भनिएको सहायक प्रमुख जिल्ला अधिकारी हरि प्याकुरेलले बताए । 

सुर्खेत उद्योग वाणिज्य संघमा उत्पन्न विवाद समाधानका लागि अध्यक्ष विष्णुबहादुर शाही, प्रथम उपाध्यक्ष पूर्णचन्द्र सापकोटा, सदस्य धनबहादुर रावत सहितको टोली शनिबार बिहान प्रमुख जिल्ला अधिकारीसंग पुगेको थियो । महासचिव सहितको समूहले तोकेको बैशाख १२ गतेको निर्वाचन, त्यसको बैधानिकता, उत्पन्न परिस्थितिका बारेमा प्रमुख जिल्ला अधिकारी बसन्तकुमार उपाध्यायसंग छलफल गरिएको थियो ।

महासचिव शाहीले लामो समयदेखि कार्यसमितिको बैठक निर्णय पुस्तिका लुकाई राखेको हु“दा कार्यसमितिको नियमित बैठक बस्न माईन्यूट उपलब्ध गराईनुपर्ने भन्दै अध्यक्ष सहितको समूह जिल्ला प्रशासन पुगेको थियो । केहि समयभित्र माईन्यूट उपलब्ध गराउने प्रशासनले प्रतिवद्धता जनाएपछि संघ अध्यक्षको टोली फर्किएको थियो । अध्यक्ष र महासचिव सहितको दुवै तर्फका तीन÷तीन जना र सल्लाहकार सहित ७ जनाको विचमा छलफल गरिएको थियो ।

महासचिव पक्षले द्धितीय उपाध्यक्षको अध्यक्षतामा बसेको बैठकले गरेको निर्णय कार्यान्वयन गर्ने र अर्को अध्यक्ष पक्षहरुले महासचिवको गल्ती नसच्चिए सम्म कुनै पनि निर्णय नमान्ने भन्दै अडान लिएका थिए । महासचिव सहितको समूहले कार्यसमितिको बहुमत सदस्यको निर्णय भन्दै चैत्र ३० गते सम्म सदस्यता नविकरण र बैशाख १२ गते सुर्खेत उद्योग वाणिज्य संघको निर्वाचन मिति तोकेको थियो ।