Hamro Khoj Online

चारजना माओवादी लडाकू घाईते

दीपक बुढा÷सुर्खेत

माओवादी लडाकूको लेखफर्सा स्थित घोराही व्रिगेडमा आफ्नै कमाण्डरहरु विरुद्ध प्रदर्शन गरिएको छ । लडाकू कमाण्डरहरुले अनियमितता गरेको भन्दैल ०६८ चैत २६ गते  विग्रेड भिसी र वटालियन भिसी का विरुद्धमा प्रदर्शन गरेका हुन । लडाकूहरुले प्रदर्शन जारी राखेपछि घोराही व्रिगेडको अवस्था सो दिन तनाबपूर्ण बनेको थियो ।

सशस्त्र प्रहरीले व्रिगेडको बाहिरबाटै सुरक्षा दिईरहेको छ । माओवादी लडाकूहरुले आफ्नै कमाण्डरका विरुद्धमा नाराबाजी गरेपछि झडप भएको थियो । झडपमा परी चार जना माओवादी लडाकु घाईते भएका छन् ।  दुई जना सामान्य घाईते व्रिगेड भित्र उपचार भैरहेको छ ।

झडपमा प्लाटुन कमाण्डर राजु तामाङ र लडाकू सुजन शाहीको टाउको, हात, खुट्टामा गम्भीर चोट लागेको हु“दा थप उपचारका लागि कोहलपुर मेडिकल कलेजमा रिफर गरिएका ेबुझिएको छ । लडाकूहरुले व्रिगेट भिसी र बटालिनय भिसी ले प्रयोग गर्दै आईरहेका ल्यापटप, कम्प्यूटर, मोटरसाईकल लगायतका सामाग्रीहरु तथा कमाण्डरसंग रहेको नगद तथा जिन्सीको विवरण माग गरेका छन् । ‘कि त नगद तथा जिन्सीको भागभण्डा गरिनुपर्छ होईन भने सम्पूर्ण सम्पत्ति राज्यलाई बुझाउनुपर्छ’–एक लडाकूले बताए ।

यसबारेमा दशरथपुरस्थित माओवादी सेनाको छैठौ डिभिजनमा सम्पर्क गर्न खोज्दा डिभिजन कमाण्डर महेन्द्र शाहीसंग सम्पर्क हुन सकेन । स्वेच्छिक अवकाश रोजेका एक माओवादी लडाकु कमाण्डरका अनुसार समायोजनमा जाने लडाकुहरु बीच पद मिलान र कमाण्डरहरुले गरेको अनियमितताकै कारण त्यंहा झडप भएको हो ।