सेनाले लियो शिविरको जिम्मा
हामी मान्दैनौं ः इन्चार्ज
हिमा उपाध्याय
माओवादी लडाकूको सुर्खेत दशरथपुर स्थित छैटौं डिभिजन र सहायक शिविरको सुरक्षा सहित सम्पूर्ण जिम्मा नेपाली सेनाले लिएको छ । नेपाली सेनाको मध्यपश्चिमाञ्चल हेडक्वाटरबाट सेनानी विश्वराज पराजुली नेतृत्वमा गएको नेपाली सेनाले शिविरको सम्पूर्ण जिम्मा लिएको हो ।
सेना समायोजन विशेष समिति बैठकले मंगलबारदेखिनै लडाकू रहेका सम्पूर्ण शिविरको सुरक्षा जिम्मा नेपाली सेनालाई दिने निर्णय गरेपछि सुर्खेत स्थित छैटौं डिभिजनको सुरक्षा जिम्मा नेपाली सेनाले लिएको छ ।
मंगलबार सेनानी पुराजुलीको नेतृत्वमा १ सय ५ जनाको संख्यामा नेपाली सेना शिविरमा प्रवेश गरेको छ । सेना समायोजन विशेष समितिका सदस्य डा. दिपक प्रकाश भट्टले दिएको जानकारी अनुसार सेना समायोजन विशेष समितिले गरेको निर्णय अनुसार मंगलबार साँझनै नेपाली सेनालाई जिम्मा दिईएको छ । लडाकूको पुनः वर्गिकरणको प्रक्रियाबाट ३९ जनाले स्वच्छिक अवकास रोजि चेक बुझिसकेका छन् । छौटौं डिभिजन अन्तर्गत १ हजार ५ सय ५९ जना लडाकूहरु पुनः वर्गिकरणमा सहभागि हुँदैछन् । मंगलबार काम रोकिएको भएपनि बुधबारदेखि पुनः वर्गिकरणको काम सुरु हुने सदस्य डा. भट्टले बताए ।
यसैवीच माओवादी सुर्खेतका इन्चार्ज कृष्ण धमला गम्भीरले शान्ति, संविधान र सेना समायोजन संगसंगै हुनुपर्ने बताए । एमाओवादी उपाध्यक्ष मोहन बैद्य पक्षिय इन्चार्ज गम्भीरले भने–‘यो सरकार र संस्थापन पक्षको आत्मसर्मपण हो । हामी यसलाई मान्दैनौं ।’ ‘शान्ति र संविधानको पाटो छोडेर सेना समायोजन अघि गर्नु नाटक मात्र हो । हामी यसको कडा प्रतिबाद गर्नेछौं ।’ इन्चार्ज गम्भीरको भनाई थियो ।
माओवादी लडाकूहरु सेना समायोजन भन्दापनि स्वच्छिक अवकासमा निस्कनेको संख्या धेरै हुन सक्ने निमित्त प्रमुख जिल्ला अधिकारी हरि प्याकुरेलले जानकारी दिए । शीर्ष नेता हसित बसेको बिशेष समितिको बैठकले मंगलबार देखि नै माओवादीको लडाकु, लडाकु बस्दै आएको शिविर र कन्टेनरमा राखिएको हतियार नेपाली सेनाको जिम्मा लगाउने निर्णय गरेको छ ।
बैठकले चार बु“दे निर्णय गर्दै तत्काल नेपाली सेनालाई शिविरमा परिचालनको ब्यबस्था मिलाउने जिम्मा सरकारलाई दिइएको छ । यस सम्बन्धमा छलफलका लागि प्रधानमन्त्री बाबुराम भट्टराईले आफ्नै कार्यालयमा प्रधान सेनापति छत्रमानसिंह गुरुङसंग बैठक बसिरहेका छन् ।
एमाले अध्यक्ष झलनाथ खनालले पढेर सुनाएको बैठककको निर्णय अनुसार लडाकु, हतियार, शिविर र त्यहा“ रहेका सबै सम्पति सेनाले सुरक्षा जिम्मामा दिने, समायोजन प्रकृया नसकिएसम्म स्वैच्छिक अवकाशमा जाने लडाकुका लागि अवसर खुला राख्ने, तत्काल लडाकुहरु त्यहा“ रहनका लागि आचार संहिता जारी गर्ने र आचार संहिता सचिवालयका संयोजक बालानन्द शर्मासंग परामर्श गरी तयार पारिने छ ।
बिशेष समितिका सदस्य रामशरण महतले शिविरहरुमा देखिएको तनाव तथा त्यहा“ खटिएका कर्मारीहरुको समेत सुरक्षा खतरा देखिन थालेपछि सबै जिम्मा नेपाली सेनालाई दिने निर्णय गरिएको बताए । उनले समायोजननामा जाने लडाकुको छनौट समिति बनाउने तथा दर्जा निर्धारण गर्न लगायतका बिषय टुङ्गोमा पु¥याउनका लागि बिशेष समितिको बैठक पुनः बुधबार बस्नेछ ।
सोमबारदेखि शिविरहरुमा लडाकुको पुनर्वगीकरण सुरु गरिएको थियो । पहिलो चरणमा ९ हजार ७ सयले समायोजन रोजेपछि ६ हजार ५ सयमा घटाउनका लागि पुनर्वगीकरण सुरु गरिएको थियो । तर, बिभिन्न शिविरमा लडाकुहरुबीच कुरा नमिल्ने तथा यसअघि नै बहिर्गनमा परेका लडाकुहरुले पनि शिविरमा घेरा हाल्ने तथा धर्ना दिने गरेपछि सेनाको जिम्मा लगाउने निर्णय गरिएको हो ।
यसअघिको निर्णय अनुसार समायोजनमा जाने लडाकु र हतियार चैत ३० गते नेपाली सेनाको जिम्मा लगाउने निर्णय गरिएको थियो । बैठक बस्नु अघि पनि प्रधानमन्त्री डा. भट्टराईले सेनापति गुरुङसंग परामर्श गरेका थिए ।
बैद्य समूहका केन्द्रिय नेताहरुको कुपण्डोलमा बेलुका बसेको बैठकले लडाकु र हतियार रहेका कन्टेनर नेपाली सेनालाई बझाउने निर्णय आत्मसमर्पणवादी भएको आरोप लगाएको छ । बैठकले आज बुधबार एमाओवादी अध्यक्ष पुष्पकमल दाहाल र प्रधानमन्त्री बाबुराम भट्टराईको पुत्ला दहन गर्ने निर्णय गर्दै विहान दस बजेदेखि ११ बजे सम्म मुलुकभर एक घण्टा चक्का जाम गर्ने निर्णय गरेको सचिव सीपी गजुरेलले जानकारी दिए । सात बु“दे सहमतिको पनि पालना नभएको भन्दै गजुरेलले क्रान्तिप्रति विश्वासघात भएको जनाएका छन् । उनले लडाकुलाई आत्मसमर्पण गरिएको भन्दै खेद समेत व्यक्त गरेका बताए ।
विशेष समितिको २०६८।१२।२८ को बैठक (८९ नं.) को निर्णय ः
१. माओवादी सेनाका लडाकुहरु, हतियार एव्म कन्टेनरहरु, शिविर र शिविरमा रहेका भौतिक सामग्रिहरु आजैका मितिदेखि नेपाल सरकारले नेपाली सेना मातहत ल्याउने ।
२. शिविरहरुको सुरक्षाको जिम्मा नेपाली सेनालाई दिने ।
३. समायोजनका लागि निर्धारण गरिएका केन्द्रहरुमा समायोजन कार्यप्रारम्भ गर्नु अघि विशेष समितिको पूर्वनिर्णय अनुरुप स्वैच्छिक अवकासको प्रक्रिया जारी रहने र समायोजन केन्द्रबाट विविध कारणले फर्किने लडाकूहरुलाई स्वैच्छिक अवकास वा पुनसर््थापनको विकल्प रोज्ने अवसर कायमै राख्ने ।
४. नेपाल सरकारले विशेष समिति अन्तर्गतको सचिवालयका संयोजकको परामर्शमा माओवादी सेनाका लडाकुहरुले पालना गर्नुपर्ने आवश्यक आचारसंहिता जारी गर्ने ।
No comments:
Post a Comment