प्रेस चौतारीको भेला
सुरक्षाको माग गर्दै घोषण पत्र जारी
दीपक बुढा, सुर्खेत
प्रेस चौतारी नेपाल शाखा सुर्खेतको जिल्ला भेला शुक्रबार वीरेन्द्रनगरमा सम्पन्न भएको छ । भेलाले संचारकर्मीको सुरक्षाको माग गर्दै सात बुँदे घोषणा–पत्र जारी गरेको छ । २०६९ जेष्ठ १४ गते भित्रनै शान्ति र संबिधान जारी गरिनुपर्ने, झापाका पत्रकार यादव पौड्यालका हत्याराई तत्काल कानुनि दायरामा ल्याई कारबाहि गरेर प्रेस स्वन्त्रताको प्रत्याभुति गर्न नेपाल सरकार स“ग माग गरिएको छ ।
त्यसैगरी प्रेस चौतारी सुर्खेतका पूर्व सदस्य, युग आव्हान दैनिकका प्रकाशक सम्पादक तथा नेकपा एमालेका वैचारिक नेता शहिद ऋषिप्रसाद शर्माको चौथो स्मृति दिवसको अवसरमा उनीप्रति हार्दिक श्रदाञ्जलि अर्पण गर्दै उनले देखाएको बाटोमा अझ जुझारु भएर लाग्ने प्रण गर्दछौं भनिएको छ ।
नया“ संविधानको असंसोधनीय धारामा प्रेस स्वतन्त्रताको पूर्ण सुनिश्चितता गरिनुपर्ने, पत्रकारहरुको भौतिक सुरक्षा, भयरहित वातावरणमा काम गर्ने, समाचार सम्प्रेशण गर्ने अवस्था सरकारले सुनिश्चित गरिनुपर्ने, प्रेस चौतारीमा आवद्ध पत्रकारहरुको क्षमता विकास गर्न सघाउ पु¥याउने कार्यक्रम गर्दै जाने जनाईएको छ ।
त्यसैगरी घोषणा पत्रमा प्रेस चौतारी नेपालमा आवद्ध पत्रकार महिलाहरुको राष्ट्रिय भेला २०६९ बैशाख २१ गते पोखरामा हुन गहिरहेको हु“दा उक्त भेलालाई सफल पार्न प्रेस चौतारी नेपाल सुर्खेत शाखा सहयोग गर्ने प्रतिबद्धता ब्यक्त गरिएको छ ।
भेलामा बोल्दै प्रेस चौतारीका केन्द्रीय सचिव लक्की चौधरीले पत्रकारहरुमाथी बढ्दै गएको हत्या, आक्रमणका घटना दोहोरीन नदिन सम्बन्धित पक्षसंग जोडदार माग राखेका थिए । स्वतन्त्र, निस्पक्ष रुपमा कलम चलाउने श्रमजिवि पत्रकारहरुमाथीको कुटपिट र हत्याको घटनाले प्रेस स्वतन्त्रमाथी बन्देज लगाएको बताए ।
प्रेस चौतारीका केन्द्रीय सदस्य अछरी पोखरेलले समग्र पत्रकार महिलाहरुको अवस्थाका बारेमा जानकारी गराएकि थिईन् । चौतारीका केन्द्रीय सदस्य यज्ञ थापा, नेपाल पत्रकार महासंघ केन्द्रीय सदस्य तथा मध्यपश्चिम संयोजक सूर्यमणि गौतम, महासंघ सुर्खेतका अध्यक्ष दुर्गा थापा, प्रेस युनियनका केन्द्रीय सदस्य कलेन्द्र सेजुवाल लगायतले आ–आफ्नो भनाई राखेका थिए ।
प्रेस चौतारी सुर्खेतका अध्यक्ष युवराज शर्माको सभापतित्वमा सम्पन्न जिल्ला भेलामा नया“ सदस्यता वितरण उपसमिति प्रमुख दिपक बुढाले प्रेस चँैतारीमा आवद्ध पत्रकारहरुको विवरण प्रस्तुत गरेका थिए ।
No comments:
Post a Comment