प्रशोधन केन्द्र सुर्खेतले गुमाउ“दै
हिमा उपाध्याय
सुर्खेतमा स्थापना गर्ने भनिएकोे जडिबुटी संकलन तथा प्रशोधन केन्द्र अन्यौलमा परेको छ । प्रशोधन केन्द्र स्थापना गर्ने जग्गाको टुंगो नलाग्दा सुर्खेतमा स्थापना गर्ने भनिएको प्रशोधन केन्द्र नेपालगंजमा सार्न पहल भैरहेको जनाईएको छ । जग्गाकै टुंगो नलाग्दा सुर्खेतमा प्रशोधन केन्द्र निर्माण अनिश्चित बनेको हो । वाणिज्य मन्त्रालय र उद्योग वाणिज्य महासंघकावीचमा सुर्खेतमा जडिबुटी संकलन तथा प्रशोधन केन्द्र स्थापना गर्ने सहमति भएको थियो ।
आवश्यक जग्गा उपलब्ध हुने वित्तिकै भौतिक संरचना निर्माणको काम हुने सुर्खेत उद्योग वाणिज्य संघका अध्यक्ष विष्णुबहादुर शाहीले बताए । प्रशोधन केन्द्र स्थापनाकै लागि नेपाल सरकारले ६० लाख र उद्योग वाणिज्य महासंघले २३ लाख रकम छुट्टयाईएको छ ।
सुर्खेत उपत्यका नगर विकास समिति, जिल्ला स्थित राजनीतिक दल, प्रशासनलाई समेत जग्गाका विषयमा जानकारी गराउ“दा पनि कुनै चासो नदेखाईएको अध्यक्ष शाहीले गुनासो गरे । उनले भने ‘जग्गा लिजमा लिने कुरा पनि मन्त्रालयले मान्दैन, १० रोपनी जग्गाको भोकाधिकार पाएमा अरु काम तत्कालै सुरु हुनेछ ।’
लामो समयदेखि सुर्खेतमा जग्गा पाईने निश्चित नभएपछि जडिबुटी संकलन तथा प्रशोधन केन्द्र नेपालगंजमा सार्नका लागि केन्द्रदेखिनै लविङ सुरु भैसकेकाले तत्काल जग्गाको प्रबन्ध गर्न सरोकारवाला निकायहरुसंग अध्यक्ष शाहीले आग्रह गरेका छन् । मध्य तथा सुदुरपश्चिमाञ्चल विकास क्षेत्रमा पाईने बहुमुल्य जडिबुटीको संकलन तथा प्रशोधन गर्न सहायताका लागि नेपालकै सबैभन्दा ठूलो प्रशोधन केन्द्र बनाउने योजना रहेको छ ।
करिव १० करोड लागतमा निर्माण हुने प्रशोधन केन्द्र निमाणार्थ चालु आर्थिक बर्षमा ८३ लाख रकम विनियोजन भैसकेको छ । निजी साझेदारीमा केन्द्र स्थापना र संचालन हुनेछ । यस क्षेत्रमा ६ सय ७२ प्रजातिका विभिन्न जडिबुटी पाईने जसमा ६० प्रजातिका जडिबुटी बहुमल्य रहेको जनाईएको छ । जग्गाका विषयमा तत्काल पहल थालिदिन प्रमुख जिल्ला अधिकारी र क्षेत्रीय प्रशासकलाई समेत आग्रह गरिएको छ ।
व्यवसायीहरुले बिहिबार एक कार्यक्रमकावीच प्रमुख जिल्ला अधिकारी र क्षेत्रीय प्रशासकलाई व्यवसायीक समस्या सहित दर्जनौ सुझाव दिएका छन् । चौकुने सिमेन्ट कारखाना संचालन देखि स्वच्छ मासु विक्रि वितरण सम्मका सुझाव दिईएको छ ।
सुर्खेत उद्योग वाणिज्य संघले आयोजना गरेको नया“ दुवै प्रशासकको स्वागत तथा छलफल कार्यक्रमका अवसरमा उक्त सुझाव दिईएको हो । चौकुने सिमेन्ट कारखाना स्थापनाका लागि लाईसेन्स लिएर बषौं सम्म पनि काम नगरेकाले अनुमति खारेज गरिनुपर्ने, मध्यपश्चिमको क्षेत्रीय सदरमुकाम वीरेन्द्रनगर भएकाले पेट्रोलियम पदार्थको आपूर्तिमा बृद्धि गर्नुपर्ने सुझाव दिइएको छ ।
त्यसैगरी पर्यटन विकासका लागि क्षेत्रीय स्तरको कार्यशाला आयोजना गरी सबै जिल्लाका पर्यटकिय स्थलको प्रचार प्रसार गरिनुपर्ने, जिल्लामा काठ आपूर्ति सहज नभएकाले स्थानीय आपूर्तिमा ख्याल पु¥याउनुपर्ने, मापदण्ड विपरित बजार क्षेत्रमा संचालित मासु पसलहरुको अनुगमन गरी कार्वाहि गरिनुपर्ने समेत सुझाव दिईएको छ ।
खशी बद्यशालालाई संचालनमा ल्याउनुपर्ने, सुर्खेतको खशी अन्य जिल्लामा लोकप्रिय भएकाले खशी उत्पादन व्यवसायलाई विकास गर्नुपर्ने, सरकारी विद्यालयको पाठ्यपुस्तक अभाव भएकाले सहज आपूर्तिको व्यवस्था मिलाउनुपर्ने, नीजि विद्यालयमा लागु गरिएका पाठ्यपुस्तकको अनुगमन गरी कार्वाहि गरिनुपर्ने, सवारी दुर्घटना बढेकाले बाटोको मर्मत सुधार गर्नुपर्ने प्रजिअ र क्षेत्रीय प्रशासकलाई सुझाव दिईएको थियो ।
मनपरी रुपमा नेपाल विद्युत प्राधिकरणले लाईन काटने गरेकाले त्यसलाई समाधान गरिनुपर्ने सहित एक दर्जनबढी सुझाव दिईएको थियो । व्यवसायीहरुले दिएको सुझावका बारेमा बोल्दै प्रमुख जिल्ला अधिकारी वसन्तकुमार उपाध्यायले आएका सुझावका सम्बन्धमा सम्बन्धित कार्यालय प्रमुखलाई बोलाई समस्या समाधान गर्न पहल थाल्ने बताए । क्षेत्रीय प्रशासक ज्ञानदर्शन उदासले पनि व्यवसायीहरुले उठाएका सवालमा आफू सकारात्मक रुपमा समस्या समाधान तर्फ लागिपर्ने बताए । स्वागत तथा छलफल कार्यक्रम सुर्खेत उद्योग वाणिज्य संघका अध्यक्ष विष्णुबहादुर शाहीको सभापतित्वमा सम्पन्न भएको थियो ।
No comments:
Post a Comment