केपि शर्मा ओली सुर्खेतमा
नेकपा एमालेका प्रभावशाली नेता केपि शर्मा ओली सोमबार साँझ सुर्खेत आईपुगेका छन् । कार्यकर्ता भेटघाट तथा आमसभालाई सम्बोधनका लागि ओली आइतबारदेखि मध्यपश्चिममा रहेका छन् ।
नेकपा एमाले कालिकोटद्धारा आयोजित जिल्ला स्तरीय आमसभालाई आइतबार ओलीले सम्बोधन गरे । सोमबार उनी नेकपा एमाले दैलेख क्षेत्र नं. २ ले आयोजना गरेको क्षेत्रीय स्तरको आमसभालाई सम्बोधन गरी बास बस्न सुर्खेत आईपुगेका छन् ।
मंगलबार (आज) ऋषि स्मृति प्रतिष्ठान सुर्खेतले आयोजना गरेको स्वर्गिय एमाले नेता ऋषिप्रसाद शर्माको स्मृति सप्ताहको समापन नेता ओलीले गर्ने कार्यक्रम रहेको नेकपा एमाले प्रचार विभाग प्रमुख टेकेन्द्र वस्नेतले जानकारी दिए ।
जिल्ला विकास समितिको सभाकक्षमा आज विहान ७ बजेदेखि ऋषि स्मृति सप्ताहव्यापी कार्यक्रमको समापन गरिँदै छ । नेकपा एमाले भेरी अञ्चल कमिटी सदस्य संविधान सभामा क्षेत्र नं. १ का उमेदवार तथा बैचारिक नेता ऋषिप्रसाद शर्माको २०६४ साल चैत्र २६ गते मैनतडाको लोदेमा हत्या भएको थियो ।
चौंथो स्मृतिका अवसरमा ऋषि स्मृति प्रतिष्ठानले विविध कार्यक्रम सहित सप्ताहव्यापी रुपमा विविध कार्यक्रम सहित स्वर्गिय ऋषिको सम्झना गरेको छ ।
युवा संघ नेपाल सुर्खेतको आयोजनामा २३ गते रक्तदान कार्यक्रम, २४ गते अनेरास्ववियुको आयोजनामा गजल प्रतियोगिता, २५ गने प्रतिष्ठानकै सक्रियतामा क्षेत्रीय अस्पतालका विरामीलाई फलफुल वितरण, २६ गते एमाले जिल्ला कमिटी र ५० वटै गाउँ कमिटीको आयोजनामा श्रद्धाञ्जली सभा, २७ गते अनेमासंघको आयोजनामा अन्तरक्रिया कार्यक्रम र २८ गते आज ऋषि स्मृति सप्ताहको समापन गरिने प्रचार विभाग प्रमुख वस्नेतले जानकारी दिए ।
नेकपा एमाले सुर्खेत–काठमाडौं सम्पर्क मञ्चले सुर्खेतका अग्रज दुई जना व्यक्तिहरुलाई सम्मान गरेको छ । एक कार्यक्रमवीच साहित्यकार डा. जिवेन्द्र देव गिरी र विनोद देवकोटालाई सम्मान गरिएको हो ।
No comments:
Post a Comment