सरकारी सेवाको घुम्ति शिविर
सुर्खेत, दीपक बुढा
सुर्खेतको पश्चिम दुर्गम गाविसमा सरकारी सेवाको एकीकृत घुम्ति सेवा शिविर संचालन गरिएको छ । जिल्ला स्थित विभिन्न सरकारी कार्यालयहरुको उपस्थितिमा शिविर विजौरामा सोमबारदेखि संचालन गरिएको हो ।
जिल्ला प्रशासन कार्यालयको नागरिकता वितरण, जिल्ला स्वास्थ्य कार्यालयको निःशुल्क स्वास्थ्य जा“च र औषधी वितरण, जिल्ला कृषि विकास कार्यालय र जिल्ला पशु सेवा कार्यालयको कृषकलाई परामर्श, जानकारी दिने काम भैरहेको छ ।
स्थानीय विकास अधिकारी हिरालाल रेग्मीले घुम्ति शिविरको उद्घाटन गरेका थिए । उक्त शिविरमा जिल्ला स्थित विभिन्न सरकारी कार्यालयका प्रमुख, प्राविधिकहरु, कर्मचारीहरुको ठुलो संख्यामा उपस्थिति रहेको जनाईएको छ । बुधबार सम्म (३ दिन) शिविर संचालन गरिने जनाईएको छ ।
पहिलो पटक सरकारी सेवाको घुम्ति शिविर संचालन गरिएपछि स्थानीयबासी हर्षित भएका छन् । विजौरामा संचालित घुम्ति शिविरबाट पश्चिम लगाम, बेतान, तातापानी, गुठु,घाटगाउ“ सहितका ७ वटा गाविसका स्थानीयबासीन्दाहरु प्रत्यक्ष लाभाविन्त हुने जनाईएको छ ।
स्थानीय विकास अधिकारी हिरालाल रेग्मी, जिल्ला प्राविधिक कार्यालयका प्रमुख रेवतिरवण पराजुली, जिल्ला प्रशासन कार्यालय सुर्खेतका प्रशासकिय अधिकृत वुद्धि सापकोटा, जिल्ला पशु सेवा कार्यालयका प्रमुख डा. किशनलाल भट्ट, महिला विकास कार्यालयका प्रमुख, जिल्ला कृषि विकास कार्यालयका प्रतिनीधि, त्यस क्षेत्रका गाविस सचिवहरुको उपस्थिति रहेको छ ।
No comments:
Post a Comment